Na 2:12 - Sơ̆p Hlabơar Nơ̆r 'Bok Kei-Dei

¹² dăm-brang tơno châu lơ lu kon sem bri ăn kơ lu kon sư sa păng châu rôp ăn kơ lu dăm-brang akăn, trôm lu sư oei 'bĕnh kơ sem bri đêl sư châu, tơpu lu sư 'bĕnh kơ 'nhĕm sem bri mă đêl lu sư đei rôp sa.

Na 2:12 Iomraidhean Croise

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

Horiso 17:12

Lu sư thoi dăm-brang pơngot. Hơrum 'maih hek sa thoi kon dăm-brang oei răp lăm anih hlơp.

Je 51:34

Nebukatnessar pơtao Babilôn luăn sa inh boih, sư pơjuă inh hĕch hoch; sư huet inh 'biao thoi gŏ hoh, Luăn sa inh thoi yă-grai sa tơmam 'lơ̆ng inh 'bĕnh kơ klak sư; Na hăk lê̆ inh.

Na 2:11

Tơ yơ trôm sơlŭng dăm-brang oei păng anih mă sư rong kon sư, anih dăm-brang tơno, dăm-brang akăn păng lu kon sư, mơ̆t lĕch mă ưh pă đei hli kơ bu,

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Jo 23:24

To, đei minh khŭl kon pơlei iung thoi dăm-brang akăn, Păng iung dang dơ̆ng thoi dăm-brang tơno; Dĭng truh tơ đei rôp sa kon sem na mă drum, Păng huch sa pham lu kon sem mă đêl lu sư rôp sa.