Na 1:7 - Sơ̆p Hlabơar Nơ̆r 'Bok Kei-Dei

⁷ Kră Yang 'lơ̆ng rŏ, jing kơđông kơ'nơp kơjăp lăm năr đei tơdrong gleh truh păng Sư băt kơ dôm lu bơngai kơ'nơp lăm Sư.

Na 1:7 Iomraidhean Croise

I Ho 16:34

Bơnê bĕ kơ Kră Yang, yua kơ Sư pơm 'lơ̆ng. Tơdrong Sư 'mêm mơnat oei ling-lang khŏm khŏm!

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

II Ho 13:18

Thoi noh, kơplah noh, lu linh Isơrael thuơ răm, jei lu linh păng kon pơlei Juđa, yua kơ lu sư gơnang kơ Kră Yang 'Bok Kei-Dei yă 'bok lu sư.

II Ho 32:11

Hăm trŏ Hesekia pơhlŭ pơlung wă jao iĕm pơngot rơhing na lôch dah kiơ? Sư khan: Kră Yang 'Bok Kei-Dei lu bơ̆n gô dŏng pơklaih lu bơ̆n đơ̆ng ti pơtao Asiri noh.

II Ho 32:21

Kră Yang ăn minh 'nu linh jang 'lơ̆ng năm pơlôch pơrăm lê̆ lu linh pran kơtang lu yŏng pơgơ̆r lu linh lăm kơđông pơtao Asiri. Pơm kơ pơtao kơdŭn wih brŏk tơ char sư kơdih, mơlâu pă băt. Kơplah sư mơ̆t tơ hnam yang sư, đei mơ'nah lăm lu kon drŏ-nglo sư iŏk đao pơlôch hloi sư tơ lăm noh.

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Horiso 100:5

Yua kơ Kră Yang 'lơ̆ng, tơdrong 'mêm Sư oei oei ling-lang. Păng tơdrong 'lơ̆ng tơpăt Sư dĭng truh tơ ning-mônh.

Horiso 20:1

Apinh Kră Yang tơl tơwih nơ̆r ih kơplah năr đei anat anot! Ăn kơ anăn Kră Yang 'Bok Kei-Dei Jakôp wei-lăng ih.

Horiso 25:8

Kră Yang 'lơ̆ng rŏ păng tơpăt. Yua kơ thoi noh Sư gô bơtho tơ'bôh trong kơ lu bơngai yoch.

Horiso 27:5

Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 37:39

Tơdrong dŏng tơgŭm lu bơngai tơpăt truh đơ̆ng Kră Yang gô; Sư jing anih kơjăp lăm năr anat anot.

Horiso 37:40

Kră Yang tơgŭm pơklaih lu sư; Sư pơklaih lu sư dơ̆ng lu bơngai kơnê̆ păng tơgŭm dŏng lu sư, Yua kơ lu sư kơ'nơp boih lăm Kră Yang.

Horiso 46:2

Thoi noh, na lu nhôn huay kơ hli mă teh tơplih. Kông pơpơ̆ păng huŏng tơ lăm đak dơsĭ.b

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 59:16

Mă-lei inh gô hơri bơnê, tơdrong mơsêh Ih Pơgê hrôih drôih hơri re kơ tơdrong Ih 'mêm mơnat; Yua kơ Ih jing anih kơjăp inh kơ'nơp. Minh anih inh kơ'nơp lăm năr đei tơdrong anat anot.

Horiso 71:3

Ih thoi tơmo tih, anih inh kơ'nơp; tơ lăm noh ling-lang; Ăn nơ̆r tơtă wă pơklaih inh. Yua kơ Ih jơ̆ kơđông păng tơmo pĕng inh.

Horiso 86:7

Lăm năr pơmat-tat inh gô krao chă Ih; na Ih gô tơl tơwih; nơ̆r inh.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Je 17:17

Ih boih jơ̆ anih mă inh kơ'nơp năr đei tơdrong pơmat-tat truh, 'Nĕ pă pơm kơ inh hli tơrơ!

Je 24:5

“Kră Yang 'Bok Kei-Dei Isơrael khan: ‘Thoi plei hơra 'lơ̆ng 'nâu mơ̆n Inh gô jô̆ lu bơngai bơnă đơ̆ng dêh char Juđa mă Inh puh lu sư năm tơ char Kalđê.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Nhom 3:25

Kră Yang ăn tơdrong Sư 'mêm mơnat kơ lu bơngai mă chang gô Sư, ăn kơ lu bơhngol mă krao chă Sư.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Jêphania 3:12

Inh gô 'măn lê̆ tơ tŏk-bŏk ih oei đei minh adrĕch kon bơngai pơmat-tat, dơnuh hin, lu sư gô băt gơnang kơ Kră Yang.

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Mathiơ 7:23

Mă-lei năr 'noh kơnh Inh gô khan kơ lu sư thoi âu: ‘Inh ưh kơ băt kơ lu iĕm âu ôh. Weh tơ nai năm, iĕm bơngai kơnê̆ ngăl.’

Yo 10:14

Gah Inh bơngai wei triu 'lơ̆ng tơpăt păng brĕ tơpă. Inh băt kơ triu Inh, triu Inh băt kơ Inh mơ̆n,

Yo 10:27

Dah iĕm triu Inh tơpă lei iĕm băt kơ 'bơ̆r Inh pơma hloi păng Inh kư̆m băt kơ iĕm mơ̆n, na iĕm kiơ̆ Inh hloi.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

Galati 4:9

Dang ei iĕm chă Kră Yang 'Bok Kei-Dei 'bôh boih; mă tơpă ưh kơ sĭ bơ̆n chă Sư ôh, Sư krao bơ̆n. Thoi noh boih na yua kơ kiơ iĕm wă kiơ̆ dơ̆ng tơdrong juăt kon bơngai? Kiơ̆ kơ tơdrong juăt noh ưh kơ yua kiơ ôh, ưh kơ đei tơgŭm minh tơdrong kiơ wă kơ bơ̆n yua ôh. Na lơliơ iĕm wă jing đĭch tơdrong juăt kon bơngai bơ̆n dơ̆ng?

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”