Na 1:6 - Sơ̆p Hlabơar Nơ̆r 'Bok Kei-Dei

⁶ Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Na 1:6 Iomraidhean Croise

I Pot 19:11

Kră Yang khan: “Lĕch bĕ păng dơ̆ng 'bơ̆t anăp Kră Yang tơ kơpal kông, yua kơ Kră Yang wă năm trong 'noh.” Đei hloi kial tih tơthu kơtang 'bơ̆t anăp Kră Yang, kial tơthu pơm kơ kông 'noh đah lang păng lu tơmo pơchah đĭ, mă-lei Kră Yang ưh kơ đei lăm kial 'noh. Đơ̆ng rŏng kơ kial hơbŭt 'noh đei teh tơdrŏ, mă-lei Kră Yang kư̆m ưh kơ đei lăm teh tơdrŏ.

Jop 26:11

Lu jrăng plĕnh tơdrŏ kyĭng kyơ̆ng, Hli tơrơ kơplah Kră Yang 'Bok Kei-Dei chrih.

Jop 40:11

Săi bĕ tơdrong blĕk ih tơ jơ̆p-jang anih. Lăng bĕ 'bôh bơngai bu pơang tơjur lê̆ sư.

Jop 9:5

Kră Yang 'Bok Kei-Dei hiŏng kông, kông ưh kơ băt adrol, lăm năr Sư hil Sư bơlih plơ̆ lê̆ kông.

Horiso 130:3

Ơ Kră Yang, tơdah Ih oei 'blŏk tơdrong kơnê̆ lu nhôn, Lei ơ Kră Yang! Bu gơh oei arih?a

Horiso 2:12

Chŭm Sư bĕ, hli kơ Sư hil, păng hli kơ iĕm lôch hiong lăm trong tôch; Yua kơ tơdrong sư hil rai tŏk. Pŭn hiôk dêh kơ bu mă kơ'nơp lăm Sư!

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 76:8

Ih pơma khan đơ̆ng plĕnh kơ tơdrong sek tơlang. Na teh hli tơrơ, ngăn hreh. Sêla

Horiso 90:11

Bu băt tơdrong kơtang mă Kră Yang hil? Bu kĕ băt tơdrong Ih hil mĭl, sư gô jing thoi yơ?

Êsai 10:16

Thoi noh Kră Yang Tih Hloh, gô tơjur ăn tơdrong jĭ iôr hiang kơ lu linh pran kơtang sư. Đơ̆ng tơdrong pơang sư, ŭnh gô sa nhen thoi pla ŭnh sa.

Êsai 13:13

Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 27:4

Inh ưh kơ hil ôh mă-lei tơdah sư đei jơla bơmrôm păng lu jơla hro 'bơ̆t anăp Inh. Inh gô blah lu sư, Inh gô soh lu sư lăm ŭnh hơdai.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 66:15

Lăng to, Kră Yang gô truh hăm ŭnh păng gre aseh Sư nhen thoi kial hơbŭt, wă pơm tơwih tơdrong ơh blĕk Sư hăm tơdrong hil mĭl, păng tơdrong Sư chrih nhen thoi pla ŭnh khơ̆ng.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Nhom 2:3

Lăm năr Sư hil, Sư ret đĭ hơke Isơrael Sư dui lê̆ ti 'ma Sư boih 'bơ̆t anăp lu ayăt.

Nhom 2:4

Sư gŭt hră thoi lu ayăt, yơ̆r ti 'ma Sư pơm thoi lu bơngai wă blah; Sư pơlôch boih dôm bơngai pơhiôk kơ măt, Lăm anih kon adruh Siôn, Sư tuh tơdrong hil thoi ŭnh.

Nhom 4:11

Kră Yang đei pơm keh boih tơdrong Sư hil, tuh tơdrong blĕk sư; Kră Yang đei soh pơlei Siôn, ŭnh sa pơrăm đĭ lu hơnă sư.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 30:16

Inh gô soh char Êyiptơ, pơlei Sin gô jĭ tơpă pă kĕ pơmat-tat; pơlei Na gô pơrăm pơchah đĭ, pơlei Thêbes gô tơ'bơ̆p tơdrong tơblah rim năr.

Êsêkiên 39:6

Inh gô ăn ŭnh soh Magôk, păng lu bơngai mă oei hiôk-hian tơ lu anih đak dơsĭ, na lu sư gô băt Inh boih Kră Yang.

Êsêkiên 7:8

Âu Inh wă tuh tơdrong Inh hil tơ ih păng wă pơhrăp tơdrong Inh hil blĕk kơ ih, Inh gô sek tơlang phak ih kiơ̆ kơ trong ih yak păng gô pơm tơwih kơ ih kiơ̆ kơ dôm tơdrong kơnê̆ krưp mă ih đei pơm.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Jêphania 2:2

Adrol kơ năr đei pơkă boih wă truh, adrol kơ năr noh truh thoi hơkam 'ba kial pơđông, adrol kơ tơdrong Kră Yang hil mĭl truh tơ lu iĕm, adrol kơ jơ 'năr Kră Yang hil truh tơ lu iĕm.

Malachi 3:2

Mă-lei 'bơ̆t năr Kră Yang truh bu kĕ dơ̆ng? Păng bơngai bu kĕ dơ̆ng 'bơ̆t năr tơ'bơ̆p Sư? Yua kơ Sư thoi pla ŭnh lu bơngai thơ̆ hơjơ̆m, thoi gơmơ̆k đak 'bŏng lu bơngai pih.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Tơdrông Tơ'bôh 16:1

Đơ̆ng noh inh kơtơ̆ng 'bơ̆r pơma re đơ̆ng lăm hnam 'Bok Kei-Dei ei khan kơ tơpơh 'nu lu linh jang 'lơ̆ng wă tuh đak pơgang ei thoi âu: “Năm bĕ, tuh tơpơh tŏ pơnhan đak pơgang tơdrong 'Bok Kei-Dei hil tơ teh.”

Tơdrông Tơ'bôh 16:8

Klaih kơ noh linh jang 'lơ̆ng mă puăn tuh đak pơgang sư tơ măt 'năr, pơm kơ măt 'năr tŏ phang hơnơ̆ng hơnong wă kơ tŏ sa pơmat kon bơngai.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”