Na 1:12 - Sơ̆p Hlabơar Nơ̆r 'Bok Kei-Dei

¹² Kră Yang khan thoi âu: Mă khan lu sư pran kơtang dêh păng kơdrâ̆m lơ kư̆m gô pơrăm pơtôch lê̆ đĭ ưh pă đei kiơ. Mă khan Inh đei pơmat lu iĕm dang ei na ning-mônh ưh kơ đei pơmat iĕm dơ̆ng boih.

Na 1:12 Iomraidhean Croise

II Pot 19:35

Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

II Pot 19:37

Kơplah sư oei kơkuh kơ yang lăm hnam yang Nisrôk, yang sư, na bre kon sư Adrammelek păng Sarêser pơlôch lê̆ sư hăm đao gưm; đơ̆ng noh lu sư kơdâu ôn lăm dêh char Ararat, na Êsarhađôn; kon drŏ-nglo sư tŏk pơm pơtao pơgơ̆r pơtrơp sư.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Êsai 10:16

Thoi noh Kră Yang Tih Hloh, gô tơjur ăn tơdrong jĭ iôr hiang kơ lu linh pran kơtang sư. Đơ̆ng tơdrong pơang sư, ŭnh gô sa nhen thoi pla ŭnh sa.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 30:19

Ơ kon pơlei pơla oei lăm Siôn, lu bơngai oei lăm pơlei Jêrusalem, lu iĕm huay pă nhơ̆m hmoi dơ̆ng bơih. Mưh iĕm krao, sĭt Sư gô mơnat. Mưh kơtơ̆ng lu iĕm krao, Sư gô tơl hloi.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Êsai 7:20

Lăm năr noh Kră Yang gô yua săng kôih mưng đơ̆ng pah to krong, noh wă khan pơtao Asiri na hơkôih đĭ sŏk kơ̆l, sŏk sop jơ̆ng păng sŏk kang lu iĕm dơ̆ng mơ̆n.

Êsai 8:8

Ro blai mơ̆t tơ char Juđa, dĭng lơ̆p truh tơ hơko. Ơ Êmanuel! Pơnăr Sư gô bơyar jơ̆p kơ dêh ih.”

Da 11:10

'Bar 'nu kon pơtao gah yă-nơ̆m năm blah, sư akŭm băl đei lơ lu linh hao aseh, gô truh, na yak năm 'bĕnh-'bang, lu sư wih năm blah truh tơ kơđông anih pơtao gơal.

Jôel 2:19

Kră Yang đei tơl tơwih kơ kon pơlei Sư: 'Nâu Inh gô ăn kơ iĕm 'ba, sik 'nao, đak rơmă, iĕm gô phĭ jơnap. Inh pă ăn kơ lu iĕm mơlâu kơ đe dơ̆ng tơ lăm lu kon pơlei đe.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Tơdrông Tơ'bôh 7:16

Lu sư ưh pă layơ pơngot dah ol kơ đak, ưh pă layơ hli kơ bơyan tŏ bơyan phang.