Mi 7:9 - Sơ̆p Hlabơar Nơ̆r 'Bok Kei-Dei

⁹ Inh pŭ iŏk tơdrong Kră Yang hil yua kơ inh đei pơm yoch boih hăm sư, dĭng truh tơ Sư tơgŭm inh dơ̆ng, sek tơlang tơdrong tơpăt inh, Sư gô chông ba inh truh tơ tơdrong hơdah păng inh gô 'bôh tơdrong tơpăt Sư.

Mi 7:9 Iomraidhean Croise

II Sam 24:17

Lăp pơtao Đawit 'bôh linh jang 'lơ̆ng pơlôch pơrăm kon pơlei pơla, na pơtao apinh Kră Yang khan: “Inh boih mă bơngai yoch, inh boih mă bơngai glăi dêh! Na mă lu kon triu 'nâu lu sư ưh kơ đei pơm tơdrong kiơ ôh? Apinh ti Kră Yang pơrăm inh hăm 'nhŏng oh hnam 'bă inh đĕch.”

Jop 23:10

Mă-lei Kră Yang băt trong inh nơnăm; kơplah Kră Yang pơlong lăng inh, inh gô lĕch thoi maih.

Jop 35:14

Pơma kiơ kơ ih, liơ mă 'bôh Kră Yang 'Bok Kei-Dei gơh mơ̆ng ih. Mưh ih khan ih ưh kơ 'bôh Kră Yang. Tơdrong ih kêng truh 'bơ̆t anăp Kră Yang bơih, păng ih oei răp gô Kră Yang sek tơlang!

Horiso 119:154

Apinh Ih dŏng inh păng huai iŏk inh, Apinh wei tơdrong arih inh kiơ̆ kơ nơ̆r Ih pơkă.

Horiso 37:6

Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Horiso 43:1

Ơ Kră Yang 'Bok Kei-Dei! Sek tơlang kơ inh bĕ, Păng dŏng inha đơ̆ng lu kon pơlei ưh kơ lui.b Apinh pơklaih inh đơ̆ng lu bơngai hơlĕnh pơm kơnê̆.

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 94:15

Tơdrong sek tơlang tơpăt gô wih tơ lu bơngai 'lơ̆ng tơpăt Păng noh bơngai đei jơhngơ̆m 'lơ̆ng tơpăt gô rok kiơ̆.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 42:7

Wă pơih ăn măt lu bơngai tol, tơlĕch lu bơngai đe chĭt lăm hnam phak păng đơ̆ng anih măng mu.

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 51:22

Kră Yang 'Bok Kei-Dei mă dŏng kon pơlei Sư khan: “'Nâu Inh gô iŏk pơdrâu kơchŏk 'noh đơ̆ng lăm ti iĕm kơchŏk mă pơm kơ iĕm pơ̆k iung. Iĕm gô ưh pă đei huch dơ̆ng ôh kơchŏk mă Inh hil mĭl.

Êsai 56:1

Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.

Je 10:19

Răm-'băm dêh kơ inh yua kơ inh jĭ rơka! Rơka inh ưh kơ gơh klaih. Inh khan: “'Nâu lăp tơdrong jĭ đĕch, na inh athei pŭ tơdrong noh.”

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Je 51:10

Kră Yang pơm tơwih ăn boih kơ bơ̆n. Năm bĕ bơ̆n athei ră roi tơ lăm Siôn, Tơdrong Kră Yang 'Bok Kei-Dei bơ̆n pơm!

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

II Tim 4:8

Pơtih gia lu bơngai kơdâu pơjei, dah jei bu đe apah agăl pơkao. Kră Yang Yêsu Krist sek tơlang tơpăt, thoi noh na ning-mônh Sư wă jur tơ ala teh pă 'măng dơ̆ng na Sư wă ăn apah kơ inh. Tơdrong apah ei Sư wă ăn kơ đĭ-đăng bơngai 'lơ̆ng tơpăt, dôm lu bơngai 'mêm kơ Sư păng chang gô Sư wă jur dơ̆ng tơ teh.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

I Sam 24:15

Apinh, Kră Yang gô pơm kơdranh sek tơlang ih păng inh. Sư gô lăng lăng păng dŏng inh păng sek tơlang tơpăt na dŏng pơklaih inh đơ̆ng tơpang ti ih.

I Sam 25:39

Đawit kơtơ̆ng ang Nabal lôch boih, sư khan: Trŏ kơkuh bơnê ư-ang kơ Kră Yang. Sư dŏng tơgŭm inh pơm mong kơ Nabal yua kơ sư pơm kơnê̆ kơ inh păng bơwei inh đĭch đam Sư wă kơ huay kơ pơm kơnê̆! Kră Yang tuh boih tơdrong kơnê̆ Nabal tơ kơ̆l sư kơdih! Na, Đawit wơh bơngai năm apinh Abigail pơm akăn sư

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!