Mi 7:6 - Sơ̆p Hlabơar Nơ̆r 'Bok Kei-Dei

⁶ Yua kơ kon drŏ-nglo pơm kơnê̆ kơ 'bă sư, kon drŏ-kăn hil blah mĕ sư, mŏ mai ayăt hăm tơnei drŏ-kăn sư. Păng bơngai ayăt lu sư noh jơ̆ lăm hnam dơnŏ lu sư kơdih.

Mi 7:6 Iomraidhean Croise

Bl 49:4

Kon nhen thoi đak poh-yă, na e pă đei tih hloh boih. Yua kơ kon tŏk tơ giơng 'bă, E tŏk kơpal giơng 'bă pơm mơgrĭ kơnê̆ noh!

II Sam 16:11

Đawit khan dơ̆ng kơ Abisai păng đĭ lu bơngai jang kơ sư: “To, kon inh kơdih, đơ̆ng blu pôih inh pơjing, oei 'maih pơrăm tơdrong arih inh 'mơ̆i; pơma kiơ kơ bơngai Bênjamin 'nâu! Lê̆ sư loh lê̆ sư hiap inh, yua kơ Kră Yang athei sư.

Horiso 41:9

Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

Tơdrông Pơđơk 30:11

Đei bơngai mơ'nah hiap 'bă lu sư, Păng kư̆m ưh kơ sơkat pŭn hiôk kơ mĕ lu sư.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Êsai 3:5

Kon pơlei pơjuă pơđep băl tơduă, rim 'nu tơblah băl, tơduă rông 'bôt tơblah băl, lu hơ'lơ̆p pơrăm lu kră. Lu bơngai răm-'băm pơm plơ̆ kơ lu bơngai mă đe ư-ang.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Je 12:6

Lu 'nhŏng oh ih adrĕch adrung 'bă ih, mă lu sư kư̆m jreo tơkĕch wă pơm kơ ih. 'Nĕ kơ gơnang kơ lu sư, mă khan lu sư pơma hiôk hăm ih ră.

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Ob 1:7

Khŭl đe pôm đon hăm ih pơpuh boih ih dĭng truh tơ anih tôch. Dôm lu bơngai lăp đon hăm ih, na hơlĕnh kơ ih, jei lu sư, gah lu bơngai sa 'bĕng ih; hơ'năk hơđong ala ih, na ih ưh kơ băt hloi.

Mathiơ 10:21

“Gô đei 'nhŏng jao oh sư bơngai lui tơ̆p mă đe pơlôch. Kư̆m đei mơ'nah 'bă sư jao kon sư tơ̆p mă đe pơlôch. Kư̆m đei mơ'nah kon sư hil plơ̆ kơ mĕ 'bă sư jao ăn kơ đe pơlôch.

Mathiơ 26:23

Yêsu khan: “Bơngai mă chơ̆m sa 'bĕng mi tơ pơnhan đak 'nhot hơdai păng Inh, bơngai noh boih wă plơ̆ plĕch Inh.

Luka 12:53

Pơtih gia lu sư gô tơklah dih băl thoi âu: 'Bă sư mă ưh kơ lui kơ Inh gô areh kơ kon sư mă lui kơ Inh; phŏ kon sư ưh kơ lui kư̆m gô areh kơ 'bă sư mă lui. Mĕ sư mă ưh kơ lui gô areh kơ kon sư mă lui; phŏ kon sư ưh kơ lui gô areh kơ mĕ sư mă lui. Tơnei sư mă ưh kơ lui gô areh kơ mai sư yua kơ sư lui kơ Inh; phŏ mai sư mă ưh kơ lui gô areh kơ tơnei sư mă lui.”

Luka 21:16

“Lu mĕ 'bă iĕm hăm 'nhŏng oh iĕm păng kơtum kơtŏng iĕm, bôl juăt iĕm, gô jao iĕm ăn kơ đe kră sek tơlang, na lu iĕm mơ'nah sư gô pơlôch.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.