Mi 7:4 - Sơ̆p Hlabơar Nơ̆r 'Bok Kei-Dei

⁴ Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Mi 7:4 Iomraidhean Croise

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 22:5

Kră Yang Tih Hloh pơkă bơih, gô đei minh năr tơdrong rŭng răng, pơjuă pơđep iung blah lăm anih thŭng tơdrong tơ'bôh, lu dur pơlei pơchah hơlih, nơ̆r krao ôr dŏng jơwa truh tơ kông.

Êsai 55:13

'Long hơngo gô chăt iung tơplih ăn kơ 'long jơla păng 'long gơsing gô tih kơjung tơplih ăn kơ 'long jơ'bôt jơla; noh tơdrong wă ăn kơ bơ̆n 'blŏk hơdơ̆r kơ anăn Kră Yang, minh tơdrong tơdra tơbăt ling-lang ưh kơ đei layơ tôch ôh.”

Je 10:15

Lu rup yang ưh kơ đei yua kiơ, chă hơlĕnh đĕch, Truh năr sek tơlang kơnh gô pơrăm đĭ.

Je 11:23

Ưh kơ đei minh 'nu bu klaih ôh. Yua kơ Inh gô ăn tơdrong gleh răm truh kơ kon pơlei Anathôt lăm sơnăm Inh phak lu sư.’

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Êsêkiên 28:24

Kơplah noh lu bơngai Isơrael pă đei jơla trŏ, jơla wek đơ̆ng lăm lu teh đak oei jum dăr kơ lu sư, lu teh đak mă ngăl areh. Đơ̆ng noh lu sư gô băt Inh boih Kră Yang.

Am 8:2

Sư khan: Amôs, ih 'bôh kiơ? Inh tơl: Inh 'bôh minh pôm bai plei 'long bơyan puih, Kră Yang khan kơ inh dơ̆ng thoi âu: Năr tôch truh boih tơ kon pơlei Isơrael; Inh ưh pă 'mêm kơ sư dơ̆ng.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Luka 21:25

“Iĕm gô 'bôh tơdrong hlĭch hlăch tơ măt 'năr, tơ măt khei păng lu sơnglŏng mơ̆n. Tơ ala teh âu lu teh đak đei tơdrong gleh tơpă. Lu sư hli kơ jơwa đak dơsĭ poh-yă tih.

Hêbrơ 6:8

Mă-lei dah teh noh pơjing 'bĕnh kơ 'nhĕt jơla uh-un, teh noh ưh kơ yua kiơ, tŭk đĕch, tơpo hơtuch soh tŭk tăm. Na 'Bok Kei-Dei kư̆m pơm kơ kon bơngai bơ̆n thoi noh mơ̆n.