Mi 7:14 - Sơ̆p Hlabơar Nơ̆r 'Bok Kei-Dei

¹⁴ Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Mi 7:14 Iomraidhean Croise

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 143:5

Inh 'blŏk kơ năr adrol sơ̆, hơdơ̆r kơ dôm tơdrong jang Ih. Păng tơchĕng kơ tơdrong jang đơ̆ng ti Ih đei pơm.

Horiso 28:9

Apinh ih dŏng pơklaih kon pơlei pơla Ih păng tuh ăn pŭn hiôk kơ tơmam Ih yua. Apinh Ih wei rong păng tơgŭm dŏng lu sư ling-lang hlŏng hloi.

Horiso 95:7

Yua kơ Sư boih Kră Yang 'Bok Kei-Dei bơ̆n. Lu bơ̆n jing kon pơlei oei lăm dơnih 'nhĕt Sư. Păng jing triu kiơ̆ kơ ti Sư chông anhăk. Năr âu tơdah iĕm kơtơ̆ng nơ̆r Sư,

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

Hơri Hiôk 4:1

Ơ bơngai mă inh hơyuh. Ih 'lơ̆ng hơbŏ, ih rŏ liĕm ngei ngei! Muh măt ih gom hăm che. Lăng măt ih nhen măt sem kơtơp. Sŏk ih nhen thoi bơbe kơdâu jur Tơ cheng kông Gileat.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 35:2

Sư đei bluh pơkao lơ, păng 'nă hal hơri chơt hiôk. Tơdrong ư-ang Liban, hăm tơdrong 'lơ̆ng rŏ kông Karmel păng thŭng dơnă Sarôn, gô ăn kơ lu Sư. Lu sư gô 'bôh tơdrong ư-ang Kră Yang păng tơdrong 'lơ̆ng rŏ Kră Yang 'Bok Kei-Dei lu bơ̆n.

Êsai 37:24

Ih đei yua lu đam ih wă pơjăm Kră Yang, ih khan: Inh yua lu gre aseh lơ tŏk tơ kơpal kơ̆l kông, tơ anih kơjung ataih dêh lăm char Liban, inh kăl lu 'long hơngo mă kơjung dêh, 'long hơngo hla iĕ mă 'lơ̆ng hloh, inh năm truh bơih tơ kơ̆l kông kơjung hloh, lăm bri kơdrơ̆ng rơ̆m hloh.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Êsai 65:10

Kon pơlei Inh, lu bơngai mă krao chă Inh gô đei tơmăn glă Sarôn pơm anih tơmăn 'nhĕt wei rong triu păng thŭng Akô pơm tơmăn 'nhĕt ăn kơ rơmo bun pơdơh.

Je 49:31

Kră Yang khan: “Iung blah bĕ, kon pơlei mă oei hiôk-hian, kon pơlei noh ưh kơ đei 'măng jang, păng kư̆m ưh kơ đei 'long chơkăl păng oei adrô̆.

Nhom 1:7

Lăm năr pơmat-tat, Jêrusalem 'blŏk kơ đêl sư chơt hiôk; Kơplah kon pơlei sư huŏng lăm ti lu ayăt ưh pă đei bu năm dŏng sư dơ̆ng. Khŭl linh ayăt 'bôh sư thoi noh, na hiĕk ăr kơ sư yua kơ đĭ juơ juŏ!

Nhom 5:21

Ơ Kră Yang, dui tơwih lu nhôn brŏk tơ Ih bĕ, na lu nhôn gơh brŏk, Pơm ming năr lu nhôn jing 'nao thoi sơ̆.

Êsêkiên 36:11

Inh gô pơm ăn kon bơngai păng sem dơrong lăm char ih rai lơ păng chek lar. Inh gô ăn kơ ih đei kon pơlei oei thoi adrol sơ̆ păng ăn ih mơdrŏng hloh kơ blŭng-a. Na ih gô băt Inh boih Kră Yang.

Lêwi 27:32

Đĭ-đăng minh lăm mơjĭt đơ̆ng rơmo, dah triu, iŏk 'long jra na jô̆ rơmo dah triu ayơ mă yak năm ala 'long jra truh tơ mơjĭt noh tơmam 'lơ̆ng rơgoh, iŏk 'măn pơyơ̆r kơ Kră Yang.

Am 9:11

“Lăm năr noh, inh gô tơiung pơdơ̆ng bơsŭn Đawit, mă đêl păk boih păng hơmet ming lu bơlôh hiah sư. Inh gô pơdơ̆ng ming lu đêl pơchah păng man ming thoi sơ̆,

Ob 1:19

Lu bơngai oei tơ gah gơal gô blah iŏk đei kông Êsâu, dôm lu bơngai oei tơ teh thŭng dơnă gô tŏk oei tơ teh khŭl bơngai Philistin: Lu sư gô đei iŏk mir chŭn Êphraim păng mir chŭn Samari; lu bơngai Bênjamin gô đei iŏk Gileat.

Mi 5:4

Noh Sư boih gô pơm kơ bơ̆n rơnŭk rơnua. Tơdah lu bơngai Asiri wă truh tơ lăm teh đak lu bơ̆n păng pơjuă hnam yang bơ̆n, na lu bơ̆n gô iung tơpơh 'nu bơngai wei-lăng păng tơhngam 'nu kuan pơgơ̆r lu kon pơlei na iung blah plơ̆ lu sư.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Sa 10:10

Thoi ei na Inh gô anhăk lu sư brŏk đơ̆ng dêh char Êyiptơ, pơpôi akŭm lu sư đơ̆ng char Asiri, ba lu sư mơ̆t lăm teh đak Gileat păng Liban păng lu sư gô chă anih oei ưh kơ mah.

Sa 11:7

Thoi noh Inh ăn lu triu đe wă pơlôch sa 'nhĕt, lu triu noh boih pơmat-tat tơpă tơ lăm khŭl triu. Đơ̆ng noh, Inh iŏk 'bar tŏ 'long jra: Minh pôm krao 'long jra 'mêm mơnat, minh pôm krao 'long jra pơgơ̆p păng Inh ăn kơ lu triu chă sa.

Malachi 3:4

Dang ei tơmam soi đơ̆ng bơngai Juđa hăm pơlei Jêrusalem gô gơh pơm ăn jơhngơ̆m Kră Yang lăp đon, kư̆m thoi lu ki sơ̆ păng thoi lu sơnăm chăl kră sơ̆.

Jo 23:9

Đơ̆ng kơpal kơ̆l kông, inh 'bôh lu sư đơ̆ng kông groi kơjung, inh lăng lu sư: To, minh khŭl kon pơlei oei hơdrô̆ phara ưh kơ jô̆ lu sư hơdai thoi kon bơngai lăm teh đak ôh.

Jo 32:1

Kon sâu Rubên hăm kon sâu Gat đei lơ sem dơrong; 'bôh tơring char Jaser hăm char Gileat jing anih 'lơ̆ng trŏ kơ wei rong rơmo, triu.

Jo 32:4

Pơlei tơring mă Kră Yang ăn tơblah jei 'bơ̆t anăp lu tơpôl akŭm adrĕch Isơrael, noh jơ̆ minh tơring 'lơ̆ng trŏ kơ wei rong sem dơrong păng lu đĭch đam ih đei sem dơrong lơ.

Mathiơ 2:6

‘Ơ Pơlei Betlehem lăm dêh Juđê! Pơlei iĕm ưh kơ sĭ iĕ hloh kơ pơlei đe ôh, Yua kơ đơ̆ng pơlei iĕm gô đei minh 'nu 'Bok tih tơpă, Sư wă pơgơ̆r lu bơngai Isơrael.’ ”

Yo 17:16

Lu sư ưh kơ sĭ bơngai đơ̆ng ala teh, kư̆m thoi Inh ưh kơ sĭ khŭl bơngai đơ̆ng ala teh âu mơ̆n.

Both 33:28

Thoi noh bơngai Isơrael gô arih hiôk hơđơ̆ng: Kon sâu Jakôp oei tơ noh lăm dêh teh phe 'ba, hơ'bo păng tơm hơmu lơ. Đak ngom đơ̆ng plĕnh ruh hngôm.