Mi 7:10 - Sơ̆p Hlabơar Nơ̆r 'Bok Kei-Dei

¹⁰ Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.

Mi 7:10 Iomraidhean Croise

II Sam 22:43

Inh teh pơhĕch lu sư thoi 'mui teh, Inh pơjuă păng juă bơhlơ̆r lu sư hĕch thoi teh rơpŭk rok trong.

Horiso 109:29

Lu ayăt kơ inh gô hrŭk iŏk tơdrong mơlâu. Tơdrong mơlâu gô gom lu sư thoi ao tai,

Horiso 115:2

Yua kơ kiơ lu bơngai tơmoi pơ̆n khan: “Tơ yơ Kră Yang 'Bok Kei-Dei lu sư?”

Horiso 18:42

Inh teh pơrăm lu sư hĕch hoch thoi 'mui teh kial pơbăr pơđông. Inh tuh lê̆f lu sư thoi rơnŭk rok trong.

Horiso 35:26

Rŏ kơ bơngai bu chơt hiôk kơ tơdrong pơmat inh hơdai mơlâu păng hlơ̆l đĭ-đăng. Rŏ kơ Lu bơngai mă pơang kơ inh, lê̆ lu sư mơlâu păng hlơ̆l pă kĕ.

Horiso 42:10

Prăt năr ngăl apinh: “Kră Yang 'Bok Kei-Dei ih tơ yơ?” Kơplah lu sư pơjăm inh pơm kơ kơting inh thoi tơgơ̆ đĭ.c

Horiso 42:3

'Bơ̆t kơplah đe ngăl apinh inh: “Kră Yang 'Bok Kei-Dei ih tơ yơ? Na đak măt pơm tơmam sa inh năr păng măng.

Horiso 58:10

Lu bơngai tơpăt gô chơt hiôk dah lu sư 'bôh tơdrong pơm tơwih, kơ bơngai kơnê̆. Lu sư gô tong jơ̆ng tơ pham lu bơngai kơnê̆.

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 92:12

Bơngai tơpăt gô bluh thoi 'long gol păng gô rai kơjung thoi 'long hơngo tơ char Liban.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 41:25

Inh tơiung minh 'nu bơngai đơ̆ng gah yă-nơ̆m păng sư năm bơih; Minh 'nu đơ̆ng gah 'năr lĕch sư krao apinh hăm Anăn Inh Sư pơjuă kơpal lu 'bok pơgơ̆r nhen pơjuă teh hlŭt, nhen thoi bơngai man gŏ pơjuă teh lơ̆n.

Je 49:15

'Nâu, Inh gô pơm kơ ih jing iĕ tơrăn hloh kơ lu dêh char, păng đe gơ̆ pơjăm.

Je 51:24

Inh gô pơm tơwih kơ dêh char Babilôn păng đĭ-đăng bơngai oei lăm char Kalđê 'bơ̆t anăp lu iĕm yua kơ đĭ-đăng tơdrong yoch lu sư pơm boih lăm pơlei Siôn.” Noh Kră Yang khan.

Je 51:51

Lu nhôn mơlâu dêh, yua kơ đe pơjăm pơjuă lu nhôn, tơdrong mơlâu gom 'bĕnh kơ muh măt lu nhôn. Yua kơ lu bơngai tơmoi mơ̆t boih lăm Anih 'Lơ̆ng Rơgoh Kră Yang.”

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Ob 1:10

Noh yua kơ đơ̆ng tơdrong kơnê̆ ih pơm kơ oh ih Jakôp, mă ih gô pŭ iŏk mơlâu păng lôch hiong ling-lang hlong hloi!

Ob 1:12

ô! Rŏ kơ ih lê̆ kơ lăng ră năr pơmat-tat truh kơ 'nhŏng oh ih, ih 'nĕ kơ chơt hiôk lăm năr đe pơlôch lu kon sâu Juđa; kư̆m 'nĕ pơma pơang lăm năr lu sư pơmat-tat.

Mi 4:11

Dang ei đei lơ teh đak akŭm băl wă ayăt păng ih khan thoi âu: Thŭ lu linh jing 'mê̆ yoch păng thŭ măt lu bơ̆n 'bôh tơdrong mă lu sư 'maih wă gô truh tơ Siôn!

Mi 7:8

Ơ lu ayăt kơ inh, 'nĕ mah chhôk kơ inh dêh mă khan inh pơ̆k huŏng boih; kư̆m gô iung dơ̆ng; mă khan inh tơoei lăm anih măng mu, 'Bok Kei-Dei gô pơchrang kơ inh hơdah.

Jêphania 3:15

Kră Yang, huay pă sek tơlang ih boih, pơm ăn kơ lu ayăt kơ ih weh ataih đơ̆ng ih; pơtao Isơrael, wă khan Kră Yang, oei tŏk-bŏk ih, ih gô huay pă tơ'bơ̆p tơdrong gleh truh dơ̆ng.

Sa 10:5

mă-lei lu sư jơ̆ lu bơngai nuih pran pơjuă lu ayăt kơ lu sư, thoi đe pơjuă teh hlŭt rok trong đe năm tơblah; lu sư gô blah jei, yua kơ Kră Yang oei hơdai lu sư, na lu linh ayăt hao aseh gô thuơ păng mơlâu kơ lu sư.

Malachi 1:5

Lu iĕm gô 'bôh tơm măt păng lu iĕm gô khan thoi âu: “Ư-ang kơ Kră Yang Tih Hloh mơ̆n 'nguaih kơ lăm Isơrael!”

Malachi 4:3

Lu iĕm gô pơjuă gơhlơ̆r lê̆ lu bơngai pơm kơnê̆, yua kơ lăm năr mă Inh pơm noh, lu sư nhen thoi rơnok tơ ala jơ̆ng lu iĕm.” Kră Yang Tih Hloh khan thoi noh.

Mathiơ 27:43

Sư khan lui kơ 'Bok Kei-Dei gô tơgŭm Sư ling-lang păng Sư khan Sư Kon 'Bok Kei-Dei, na bơ̆n gô lăng hăm 'bôh 'Bok Kei-Dei gô tơgŭm Sư tơpă dah ưh.”

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”