Mi 6:9 - Sơ̆p Hlabơar Nơ̆r 'Bok Kei-Dei

⁹ Mơ̆ng bĕ nơ̆r Kră Yang krao pơret blah hăm pơlei âu, bơngai hơgei athei hli yom kơ anăn Sư. Mơ̆ng bĕ 'long jra teh na băt kơ bu mă Kră Yang pơkă năm blah.

Mi 6:9 Iomraidhean Croise

II Sam 21:1

Lăm chăl Đawit đei pơngot rơwĕt tih truh tơ pêng sơnăm. Pơtao Đawit krao apinh Kră Yang; Kră Yang tơl: “Tơdrong pơngot rơwĕt truh yua kơ Sôl păng hnam dơnŏ sư đei hre pham, yua kơ Sôl đei pơlôch lu bơngai Gibeôn.”

Jop 10:2

Inh khan kơ Kră Yang 'Bok Kei-Dei, 'nĕ pă jô̆ inh bơngai yoch; Ăn kơ inh băt Ih jô̆ inh đei yoch kiơ.

Jop 23:14

Yua kơ Sư gô pơm keh tơdrong kiơ, Sư wă pơm kơ inh. Lăm jơhngơ̆m Sư tơchĕng lơ tơdrong lei-lăi thoi noh.

Jop 5:17

“'Nâu, pŭn dêh kơ bơngai mă Kră Yang 'Bok Kei-Dei teh bơtho, thoi noh 'nĕ kơ lăng hơi, kơ Kră Yang Tih Hloh teh bơtho.

Horiso 107:43

Lu bơngai mă hlôh wao gơh hơgei 'blŏk kơ tơdrong 'nâu. Păng tơchĕng răk tơdrong 'mêm Kră Yang.

Horiso 48:10

Ơ Kră Yang 'Bok Kei-Dei, anăn Ih thoi yơ! Na tơdrong kơkuh bơnê kơ Ih, Kŭm thoi noh truh tơ tôch kơ teh đak. Ti 'ma Ih 'bĕnh kơ tơdrong tơpăt.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Tơdrông Pơđơk 22:3

Bơngai hơgei 'bôh đei tơdrong truh kơdâu weh. Bơngai kơwao kư̆ yak truh puh hloi lăm noh.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 27:10

Pơlei tih kơjăp đĭ jing juơ bơih, anih đêl pơlei đĭ jing juơ, đĭ hiong hiơt 'biao nhen thoi teh char glă, tơ noh kon rơmo sa 'nhĕt; lu sư 'bĭch păng sa lu dơng 'long tơ noh.

Êsai 30:27

To Anăn Kră Yang truh đơ̆ng ataih, tơdrong sư hil khơ̆ng thoi ŭnh 'nhui ŭnh bluh găm suek puăn pah, hơkŭng Sư 'bĕnh kơ tơdrong hil, hơpiĕt Sư thoi kơ ŭnh dơhlông sa.

Êsai 66:6

Đei re jơwa lăm pơlei tih; đei re jơwa đơ̆ng hnam akŭm noh re jơwa nơ̆r Kră Yang pơm tơwih kơ lu bơngai ayăt kơ Sư.

Êsai 9:13

Thoi noh na lăp minh năr đĕch, Kră Yang gô chơ̆ng lê̆ đơ̆ng Isơrael chơ̆ng kơ̆l păng kiĕng đĭ-đăng 'long gao hăm 'nhĕt gơlăr.

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 47:7

Mă-lei liơ sư gơh pơdơh. Mưh Kră Yang athei boih. Mưh Kră Yang jao kơ sư athei phak Askalon păng lu pơlei oei cheng đak dơsĭ?”

Êsêkiên 7:9

Măt Inh ưh pă lăng mơnat kơ ih, Inh kư̆m ưh pă dŏng ih, Inh gô phak kiơ̆ kơ trong ih yak kiơ̆ păng tơdrong kơnê̆ krưp lăm ih. Na ih gô băt Inh boih Kră Yang Tơ'ngla mă đei phak ih.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Am 2:5

Inh gô ăn ŭnh truh tơ dêh Juđa, sư gô sa pơđĭ dôm kơđông kơjăp Jêrusalem.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Mi 6:10

Lăm hnam bơngai kơnê̆ hăm oei đei tơmam gĭt kơnê̆ păng 'long kŏng ưh kơ tơpă hơlĕnh mă Inh areh dêh?

Mi 6:8

Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Jêphania 3:2

Sư ưh kơ 'maih mơ̆ng đe ôh; ưh kơ wă chu kơ đe teh bơtho; ưh kơ wă gơnang kơ Kră Yang; ưh kơ năm jê̆ Kră Yang 'Bok Kei-Dei.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.