Mi 6:6 - Sơ̆p Hlabơar Nơ̆r 'Bok Kei-Dei

⁶ Inh gô chĕp ba tơmam kiơ̆ 'bơ̆t anăp Kră Yang păng drap kơkuh 'bơ̆t anăp 'Bok Kei-Dei Kră Yang Tih Hloh. Inh gô năm dơ̆ng 'bơ̆t anăp Sư hăm tơmam soi 'buh kon rơmo 'nao minh sơnăm hă?

Mi 6:6 Iomraidhean Croise

II Sam 21:3

Pơtao Đawit apinh bơngai Gibeôn: “Inh athei pơm kiơ kơ lu iĕm? Inh pơm thoi yơ gơh huai iŏk tơdrong đơ̆ng Sôl pơm yoch, wă kơ lu iĕm krao apinh Kră Yang ăn tơdrong pŭn hiôk kơ kon pơlei hăm lu tơmam Sư.”

Horiso 116:12

Inh gô iŏk kiơ wă 'mong kơ Kră Yang. Gah dôm tơdrong 'lơ̆ng mă Sư đei pơm kơ inh?

Horiso 22:29

Đĭ kơ lu bơngai mơdrŏng tih lăm teh đak kư̆m gô sŏng sa păng kơkuh; Đĭ-đăng lu bơngai brŏk tơ 'mui teh, gô drap kơkuh 'bơ̆t anăp Sư Păng dôm lu bơngai mă ưh kơ gơh bơwei tơdrong arih sư,

Horiso 95:2

Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.

Horiso 95:6

Năm bĕ, kŭp kơ̆l kơkuh kơ Sư. Hơtơ̆p kŭl-tăng drap kơkuh bĕ 'bơ̆t anăp Kră Yang, Tơ'ngla pơjing lu bơ̆n

Le 12:5

Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Tơdrông Pơđơk 21:3

Pơm tơdrong tơpăt, băt pơm tơdrong trŏ Noh Kră Yang lăp đon hloh kơ tơmam soi pơyơ̆r.

Êsai 40:16

'Long lăm Liban wă tơkuh lăm chơnang soi ưh kơmah, păng lu sem brem kư̆m ưh kơ mah wă pơm tơmam soi 'buh.

Je 6:20

Lu iĕm soh pơyơ̆r kơ Inh 'long 'bâu phu đơ̆ng char Seba, dah tơmam 'bâu phu đơ̆ng dêh ataih wă pơm kiơ? Inh ưh kơ iŏk ôh tơmam soi 'buh lu iĕm, tơmam soi mă iĕm pơyơ̆r kư̆m ưh kơ đei pơhiôk kơ Inh mơ̆n!”

Êsêkiên 46:9

Kơplah kon pơlei char noh wă mơ̆t 'bơ̆t anăp Kră Yang lăm năr phĕt, bơngai bu mơ̆t kơkuh năm rok trong 'măng jang gah yă-nơ̆m, gô lĕch trong 'măng jang gah gơal; bơngai bu mơ̆t trong 'măng jang gah gơal gô lĕch trong 'măng jang gah yă-nơ̆m, ưh kơ đei bu gơh lĕch tơ trong đêl mơ̆t, mă-lei athei mơ̆t tơpăt tơklă anăp.

Da 3:26

Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Da 4:9

Ơ Beltơsatsar, ih pơm yŏng đĭ kơ lu bơngai hơgei, inh băt đei yang 'lơ̆ng oei lăm ih păng ưh kơ đei tơdrong kiơ mă hlơp mă tơnat kơ ih, thoi ei boih na apinh ih tơblang ăn kơ inh tơdrong inh apo 'bôh păng tơblang kơ inh bĕ.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Hôsia 5:6

Lu sư gô ba khŭl triu, khŭl rơmo lu sư, wă năm chă Kră Yang; mă-lei ưh kơ 'bôh Sư ôh. Sư weh achăng lê̆ đơ̆ng lu sư boih.

Am 5:22

Mă khan iĕm pơyơ̆r kơ inh dôm tơmam soi phe 'ba, dah tơmam soi 'buh, inh ưh kơ iŏk ôh; Inh ưh kơ wă lăng ôh dôm lu tơmam soi bơnê hăm rơmo bek đơ̆ng lu iĕm.

Jo 7:51

minh pôm rơmo dăm, minh pôm triu tơno, minh pôm triu kon tơno truh minh sơnăm yua wă pơm tơmam soi 'buh;

Mathiơ 19:16

Đei minh 'nu bơngai năm tơ Yêsu jet thoi âu: “Ơ 'Bok Thây, inh pơm tơdrong 'lơ̆ng ayơ wă kơ oei hơdai hăm 'Bok Kei-Dei arih ling-lang?”

Markôs 12:33

Dah bơ̆n 'mêm kơ Sư hăm đĭ jơhngơ̆m klơm klak bơ̆n, hăm đĭ đon bơ̆n tơchĕng păng băt 'mêm kơ bôl buăl thoi bơ̆n 'mêm akâu kơdih, dah bơ̆n răk 'bar tơdrong juăt 'noh lei 'lơ̆ng hloh kơ đĭ-đăng tơdrong bơ̆n soi sơmah kơ 'Bok Kei-Dei.”

Markôs 5:7

Yêsu athei yang kơnê̆ lĕch đơ̆ng akâu sư. Na yang kơnê̆ ei pơma 'bơ̆r re khan: “Ơ Yêsu, Kon 'Bok Kei-Dei Kră Yang Tih Hloh, Ih wă pơm kiơ kơ inh? Inh apinh 'Bok Kei-Dei pơm 'long sơlam kơ ba, na Ih 'nĕ kơ pơrăm inh.”

Luka 10:25

Đei minh 'nu 'bok thây bơtho tơdrong juăt đe Juđê iung jet pơlong lăng Yêsu thoi âu: “Ơ 'Bok Thây, inh pơm thoi yơ wă kơ arih ling-lang?”

Yo 6:26

Yêsu khan kơ lu sư: “Inh khan tơpăt kơ iĕm, iĕm chă Inh ưh kơ sĭ yua kơ iĕm 'bôh Inh pơm tơdrong mơsêh mơyang wă tơbăt kơ iĕm Inh đơ̆ng 'Bok Kei-Dei ôh. Iĕm chă Inh yua kơ iĕm sŏng sa phĭ mah đơ̆ng Inh ăn kơ iĕm tơmam sa.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 16:30

Na sư tơlĕch bre Pôl păng Silas tơ 'ngoaih păng jet bre sư: “Ơ bre 'bok, pơm liơ inh gơh klaih đơ̆ng tơdrong yoch?”

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Êphêsô 3:14

Yua kơ thoi noh na inh sơtơ̆p kŭl-tăng krao khan kơ 'Bă tơm bơ̆n 'Bok Kei-Dei,

Hêbrơ 10:11

Đĭ kơ lu 'bok soi oei jang hơnơ̆ng rim năr soi kơ 'Bok Kei-Dei, mă-lei tơdrong soi noh ưh kơ gơh pơklaih tơdrong yoch ôh.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.