Mi 6:14 - Sơ̆p Hlabơar Nơ̆r 'Bok Kei-Dei

¹⁴ Lu iĕm gô sa, mă-lei ưh kơ phĭ ôh; klak lu iĕm kư̆m oei pơngot. Dôm tơmam mă lu iĕm 'măn mong răk đunh kư̆m ưh kơ gơh dŏng ôh. Tơmam kiơ mă lu iĕm đei 'măn mong Inh gô pơjao kơ đao gưm.

Mi 6:14 Iomraidhean Croise

Êsai 30:6

Nơ̆r khan lê̆ adrol gah lu sem bri brah tơ Negeu. Lăm dêh anat anot pơmat-tat, dêh char lu dăm-brang tơno, dăm-brang akăn, 'bih bôm, 'bih ŭnh păr. Lu sư chơ mŭk tơmam lu sư tơ kơpal aseh iĕ, chơ tơmam gĭt tơ kơdŭ aseh lăk-đa, wă ăn tơ minh adrĕch adrung mă ưh kơ đei yua kiơ kơ lu sư.

Êsai 65:13

Na Kră Yang khan thoi âu: “'Nâu, lu đĭch đam Inh gô đei sa, Mă-lei lu iĕm gô pơngot; 'Nâu đĭch đam Inh gô nhă, mă-lei lu iĕm oei rơhing kơ đak; 'Nâu đĭch đam Inh gô đei tơdrong hiôk chơt, mă-lei lu iĕm gô mơlâu ơh sơ'ngon,

Êsai 9:20

Manase blah Êphraim, Êphraim blah Manase păng 'bar pah măr sư tơblah hăm Juđa; Mă đơ̆ng thoi noh ră, Kră Yang oei mĭl hil kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Hôsia 4:10

Lu sư gô sŏng sa mă-lei ưh kơ phĭ. Lu sư gô pơm pơyô kư̆ kă mă-lei ưh pă đei hơ'lơ̆p; yua kơ lu sư achăng lê̆ boih Kră Yang, thoi noh 'maih pơm pơyô kư̆ kă.

Lêwi 26:26

Tơdah inh ăn tơdrong pơngot rơwĕt truh, mơjĭt 'nu adruh gô 'buh 'bĕng lu iĕm lăm minh tơnuh ŭnh păng kŏng 'bĕng noh na wih ăn kơ lu iĕm, lu iĕm sa ră mă-lei ưh kơ phĭ.

Hagai 1:6

Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’

Hagai 2:16

Lu iĕm khan yuă 'ba âu minh pôi 'ba trŏ kơ 'bar-jĭt hnŏng, mă-lei lăp mơjĭt hnŏng đĕch păng hmĕt đak tơdrô ngeh tơ pơđăm-jĭt kơthŭng ră mă-lei lăp 'bar-jĭt hnŏng đĕch.