13 Yua kơ thoi noh na Inh teh pơjĭ iĕm pơrăm iĕm yua kơ tơdrong yoch lu iĕm.
Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;
Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.
Sư đei tơjur boih ŭnh đơ̆ng kơpal, mơ̆t lăm tơring inh na kĕ jei. Sư đei dăng boih hơnhuăl ala jơ̆ng inh, pơm kơ inh kơdŭn tơ rŏng. Sư đei pơm boih kơ inh rơdu rơmơ̆n, rim năr rai hiong hiach.
Pơm kơ inh wơ̆l păng hek hok inh, pơm kơ inh pơmat dêh.
Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!
Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.
Char Êphraim jing anih juơ lăm năr đei tơdrong bơtho pơjĭ; tơ adrĕch Isơrael Inh tơbăt tơdrong 'nâu truh sĭt.
Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.
Yua kơ rơka sư ming pă klaih boih. Sư kư̆m năm truh tơ char Juđa, truh boih tơ 'măng jang kon pơlei inh, wă khan truh tơ Jêrusalem.
Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.
Mă-lei teh âu gô lê̆ bri juơ yua kơ đe gô pơm 'mong tơwih kơ tơdrong đêl lu kon pơlei oei lăm noh pơm kơnê̆.
Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.