Mi 6:12 - Sơ̆p Hlabơar Nơ̆r 'Bok Kei-Dei

¹² Yua kơ dôm lu bơngai mơdrŏng lăm pơlei âu tă ưh kơ tơpăt ngăl, kon pơlei pơla sư yua nơ̆r hơlĕnh pơdăr păng hơpiĕt lu sư đei tă kơ chă hơlĕnh pơhlŭ pơlung đe.

Mi 6:12 Iomraidhean Croise

Horiso 120:2

Ơ Kră Yang, apinh pơklaih bơhngol inh đơ̆ng 'bơ̆r hơlĕnh, Đơ̆ng hơpiĕt lu bơngai pơhlŭ.

Horiso 35:20

Yua kơ lu sư ưh kơ đei nơ̆r hiôk 'biơ̆ Mă-lei tă kơ pơma hơlĕnh pơdăr. Blah lu bơngai dim iơ̆m lăm teh đak.

Horiso 78:36

Mă-lei lu sư chă pơma 'bơ̆r đĕch hăm Kră Yang. Yua hơpiĕt lu sư pơma hơlĕnh kơ Sư.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Êsai 3:8

Pơlei Jêrusalem đĭ grê păng char Juđa đĭ hơlih; yua kơ nơ̆r pơma păng tơdrong jang lu sư blah Kră Yang, che bơle pơjăm 'bơ̆t anăp Kră Yang trŏ kơ ư-ang.

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Je 9:8

Hơpiĕt lu sư jing brơ̆m hơkăm, pơma lĕch nơ̆r hơlĕnh pơdăr; lăm 'bơ̆r lu sư, bu bu kư̆m khan hiôk-hian hăm lu rông 'bôt sư, mă-lei lăm jơhngơ̆m sư, răp wă pơm kơnê̆ kơ buăl sư.

Hôsia 7:1

Layơ Inh wă pơklaih lu bơngai Isơrael, tơdrong yoch kơnê̆ lu bơngai Êphraim, păng tơdrong kơnê̆ lu bơngai Samari pơdah boih; lu sư hơlĕnh pơdăr, lu bơngai tơtông tơ lăm, lu bơngai rôp tơgar iŏk tơ rok trong.

Hôsia 7:13

Răm-'băm dêh kơ lu sư yua kơ lu sư tơklah ataih đơ̆ng Inh; Inh gô pơrăm lu sư yua kơ lu sư pơm yoch boih hăm Inh. Mă khan Inh wă dêh ră pơklaih lu sư, mă-lei lu sư pơma hơlĕnh kơ Inh.

Am 2:4

Kră Yang khan: Yua kơ đơ̆ng kon pơlei Juđa rai pơm yoch hloh kơ adrol, na inh ưh kơ lê̆ ôh wă phak lu sư; Yua kơ lu sư achăng lê̆ boih khôi juăt Kră Yang păng ưh pă pơm kiơ̆ dôm nơ̆r Sư tơtă, dôm lu yang hơlĕnh pơdăr mă đơ̆ng 'bok yă lu sư kiơ̆, pơm kơ lu sư wơ̆l jrok.

Am 6:4

Răm-'băm dêh kơ lu bơngai tep tơ giơng bơla păng yon pơdăng jơ̆ng kơpal tang-dŏ iĕm; 'buh sa lu kon triu mă rơih iŏk đơ̆ng lăm khŭl păng 'bet sa rơmo bek đơ̆ng lăm hơdrong.

Jêphania 1:9

Lăm năr noh, Inh gô phak pơđĭ lu bơngai pơplŏng trong bơlôh 'măng cheng păng lu bơngai pơm tơ'bĕnh tơdrong kư̆ kă păng tơdrong kơnê̆ 'bĕnh-'bang kơ hnam yŏng tơ'ngla sư.”

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Jang 24:9

Đang kơ Têtulus pơma, lu bơngai Juđê oei lăm hnam sek tơlang ei kư̆m pơma jâu kơ Pôl mơ̆n. Lu sư khan: “Tơdrong Têtulus pơma noh trŏ tơpă.”

Rom 3:13

'Bok Kei-Dei lăng jơhngơ̆m kon bơngai kơnê̆ thoi lĕ kơ sơlŭng đe tah atâu ôm ưh kơ 'bŭ. Hơpiĕt kon bơngai băt pôm hơlĕnh kơ kơdih bôl. 'Bơ̆r kon bơngai dang 'bơ̆r 'bih 'maih choh đe.