Mi 5:1 - Sơ̆p Hlabơar Nơ̆r 'Bok Kei-Dei

¹ Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mi 5:1 Iomraidhean Croise

Bl 35:19

Đơ̆ng noh Rachel sư lôch, na 'bŭ 'bơ̆t cheng trong brŏk tơ Êphrat. Êphrat wă khan Betlehem.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

II Pot 24:2

Kră Yang ăn lu khŭl linh đe Kalđê, khŭl linh đe Asiri, păng khŭl linh đe Môap năm blah pơrăm char Juđa, wă khŭl linh đe Ammôn pơrăm lê̆ lu sư, kiơ̆ thoi nơ̆r Kră Yang yua nơ̆r lu bơngai khan lê̆ adrol, noh jơ̆ lu đĭch đam sư,

Jop 16:10

Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.

Tơdrông Pơđơk 8:23

Inh boih đei blŭng-a ala chă kơ đĭ-đăng, Păng tơm rơh adrol hloh kơ pơjing teh đak.

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 8:9

Ơ kon pơlei Asiri ôr krao bĕ, ơh sơ'ngon bĕ! Ơ đĭ-đăng lu dêh ataih, pơđêng đon iĕm mơ̆ng bĕ! Gơhret bĕ tơlei tơ̆n mă-lei hli dêh.

Êsai 9:5

Đei tơpŭ ăn kơ lu bơ̆n minh 'nu kon nge, ăn kơ bơ̆n minh 'nu kon drŏ-nglo, tơdrong pơgơ̆r tơ kơpal hơngiĕng Sư, đe gô krao Sư Kră Yang pơlung tơgŭm Kră Yang 'Bok Kei-Dei Mơsêh Mơyang, 'Bă Arih Ling-Lang Kră Yang kon Pơtao Hiôk-Hian.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Nhom 3:30

Sư athei ăn meng sư kơ đe tap, chu iŏk bĕ tơdrong kơdơ̆ mơlâu.

Êsêkiên 21:32

Ih thoi 'long ŭnh wă tơkuh, pham ih gô lĕch lăm teh, ưh pă bu 'blŏk kơ ih dơ̆ng; yua kơ Inh Kră Yang khan thoi noh.’ ”

Êsêkiên 24:2

“Ơ kon bơngai, chih bĕ năr âu, yua kơ trŏ kơ năr âu, pơtao Babilôn wang pơlei Jêrusalem.

Da 9:25

Ih athei băt păng hlôh tơdrong âu đơ̆ng năr mă athei pơjing păng hơmet ming Jêrusalem, dĭng truh Yang mă đei tuh đak rơmă, wă khan pơtao, na đei tơpơh 'măng giĕng păng tơdrâu-jĭt 'bar 'măng giĕng; pơlei tih đei pơdơ̆ng man ming, đei trong pơlei păng bơnang yua kơplah đei tơdrong anat anot.

Jôel 3:9

Ră roi bĕ tơdrong âu jơ̆p kơ teh đak đe. Hơmet bĕ tơdrong tơblah, pơdrŭt jơhngơ̆m lu linh pran kơtang iung blah. Ăn kơ đĭ-đăng lu linh gơh tơblah năm tơ anăp bĕ, ăn kơ lu sư blah!

Am 2:3

Inh gô pơrăm lê̆ lu 'bok sek tơlang lu sư păng pơlôch đĭ kră yŏng pơgơ̆r lu sư hơdai hăm sư, Kră Yang khan thoi noh.

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Mathiơ 26:67

Lu đe ei chă kơsoh pơ'brơh đak hai tơ muh măt Sư, tŭr Sư, mơ'nah tap Sư,

Mathiơ 27:30

Lu sư kơsoh pơ'brơh đak hai tơ akâu akar păng iŏk 'long đơ̆ng Sư chĕp noh tôn kơ̆l Sư.

Mathiơ 5:39

Thoi noh boih na gah Inh bơtho iĕm thoi âu: Đe pơm kơnê̆ kơ iĕm, iĕm 'nĕ pơm plơ̆ kơ đe; đe tap 'bŏ iĕm gah 'ma, ăn sư tap gah minh dơ̆ng.

Yo 18:22

Lăp Yêsu pơma thoi noh, đei minh 'nu linh Juđê tap tơ'bŏk Sư păng khan: “Ih ưh kơ trŏ pơma kơ 'bok soi tơm thoi noh ôh.”

Yo 19:3

Klaih kơ noh lu sư năm tơ anăp Yêsu khan: “Kơkuh kơ Ih 'Bok Pơtao bơngai Juđê.” Păng lu sư tap tơ'bŏk Yêsu.

Jang 23:2

'Bok soi tơm, anăn sư Anania, kơtơ̆ng thoi noh, sư athei lu bơngai oei 'bơ̆t jê̆ Pôl tap Pôl 'bơ̆t kang.

II Kor 11:20

Iĕm chu kơ lu bơngai noh, iĕm jing bơngai đĭch; sư sa yua kơpah tơmam iĕm, sư pơgŏ iĕm, iĕm chu sư pơjuă kơtĭt iĕm, sư tap 'bŏ iĕm.

Both 28:49

Kră Yang gô ba minh adrĕch adrung đơ̆ng ataih, đơ̆ng tôch kơ plei teh năm blah lu iĕm, thoi klang păr rôp sa kon sem; iĕm ưh kơ hlôh nơ̆r lu sư pơma ôh.

Both 33:27

Kră Yang 'Bok Kei-Dei arih ling-lang noh anih ih kơ'nơp, gah ala kơ ih đei tơpang ti Kră Yang drơng tơgŭm, Sư puh lê̆ lu bơngai ayăt 'bơ̆t anăp ih, Na sư khan: Pơrăm pơlôch lu sư bĕ.

Lu 17:7

Đei minh 'nu tơdăm đơ̆ng pơlei Betlehem lăm dêh Juđa. Tơdăm âu tơpŭ kơ sư wơ̆ 'lŏ hăm kon pơlei Juđa.