Mi 4:5 - Sơ̆p Hlabơar Nơ̆r 'Bok Kei-Dei

⁵ Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Mi 4:5 Iomraidhean Croise

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

II Pot 17:29

Mă-lei rim kơ adrĕch adrung, pơm pơjing yang lu sư kơdih, dan lu yang noh lăm anih kơjung mă kon pơlei Samari hlôi pơdơ̆ng pơjing, rim adrĕch adrung lu sư, dan lê̆ yang lu sư kơdih lăm pơlei mă lu sư oei.

II Pot 17:34

Dĭng truh tơ dang ei, lu sư oei pơm rok thoi tơdrong juăt so sư kơdih. Lu sư ưh kơ hli yom kơ Kră Yang, ưh kơ chu wei răk tơdrong juăt, dah nơ̆r Kră Yang tơtă kơ kon sâu Jakôp mă Kră Yang anăn ăn kơ sư Isơrael.

Horiso 20:6

Âu inh băt Kră Yang dŏng pơklaihb 'Bok mă đei tuh đak rơmă đơ̆ng Sư. Đơ̆ng kơpal plĕnh rơgoh Sư gô tơl tơwih kơ pơtao, Hăm tơdrong kơtang tơgŭm dŏng pơklaih đơ̆ng ti 'ma Sư.

Horiso 48:14

Sư boih Kră Yang 'Bok Kei-Dei, 'nâu jơ̆ Kră Yang 'Bok Kei-Dei lu nhôn ling-lang hlŏng hloi. Sư gô chông anhăk nhôn ling-lang hlŏng hloi.d

Horiso 71:16

Inh gô năm păng roi tơdrong mơsêh Kră Yang; Inh gô lăp minh Ih roi gah tơdrong tơpăt Ih đĕch

Êsai 2:5

Ơ adrĕch Jakôp, bĕ lu bơ̆n yak kiơ̆ lăm tơdrong hơdah Kră Yang.

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Je 32:40

Inh gô pơgơ̆p hăm lu sư ling-lang hlŏng hloi; Inh ưh pă wă lê̆, dah lu sư ưh pă ăn pŭn hiôk kơ lu sư; Inh kư̆m wă pơm ăn kơ jơhngơ̆m lu sư băt hli yom kơ Inh, wă kơ lu sư ưh pă achăng lê̆ Inh.

Sa 10:12

Inh gô ăn kơ lu sư pran kơtang lăm Kră Yang păng Lu sư yak năm lăm anăn Kră Yang.” Kră Yang khan thoi noh.

Jang 14:16

Đơ̆ng sơ̆ 'Bok Kei-Dei ăn kơ đĭ-đăng khŭl bơngai pơm kiơ̆ kơ lu sư wă.

Both 27:10

Thoi noh iĕm athei mơ̆ng bĕ nơ̆r Kră Yang 'Bok Kei-Dei iĕm păng wei răk pơm kiơ̆ dôm lu nơ̆r Sư tơtă păng dôm khôi juăt Sư, mă inh bơtho khan ăn kơ iĕm năr 'nâu.

Kôlôsê 2:6

Iĕm lui boih kơ Kră Yang Yêsu Krist, iĕm athei gơnang kơ Sư, na tơdrong lui iĕm pơm kiơ̆, trŏ thoi Sư wă.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”