Mi 4:4 - Sơ̆p Hlabơar Nơ̆r 'Bok Kei-Dei

⁴ Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Mi 4:4 Iomraidhean Croise

I Pot 4:25

Lăm chăl pơtao Sôlômôn pơgơ̆r, bơngai Juđa păng bơngai Isơrael oei hiôk-hian, đơ̆ng pơlei Đan truh tơ pơlei Bêrsêba, rim 'nu kơ lu sư arih jang sa chơt hiôk ala tơnơm hơmu păng tơm hơra sư.

I Pot 5:5

Thoi noh na inh wă pơm Hnam Akŭm ăn kơ anăn Kră Yang 'Bok Kei-Dei inh kiơ̆ thoi Kră Yang khan kơ 'bă inh Đawit sơ̆: Inh gô ăn kơ kon drŏ-nglo ih pơm pơtao pơtrơp đơ̆ng ih, sư gô pơm Hnam Akŭm kơ anăn Inh.

Jop 11:19

Ih gô 'bĭch tep ưh kơ đei bu pơm kơ ih hli tơrơ, lơ bơngai gô chă ih wă kơ ih tơgŭm lu sư đei pŭn hiôk.

Horiso 72:3

Ăn lu kông gô ba tơdrong hiôk jơnap kơ kon pơlei pơla, lu groi đei plei tơdrong 'lơ̆ng tơpăt

Tơdrông Pơđơk 3:25

'Nĕ kơ hli krưp kiơ ôh kơplah tơdrong kơnê̆ blư truh kơ ih, Kŭm 'nĕ kơ hli krưp mơ̆n kơplah ih 'bôh tơdrong kơnê̆ truh pơrăm lu bơngai pơm kơnê̆.

Êsai 1:20

Mă-lei tơdah lu iĕm ưh kơ chu păng 'maih blơ̆ blĕch Inh, lei đao gưm gô pơrăm lu iĕm;” 'bơ̆r Kră Yang đei pơma bơih.

Êsai 17:2

Lu pơlei Arôe đĭ jing juơ rơhiăng jing anih ăn kơ lu triu drum pơdơh, ưh pă đei hli kơ kiơ dơ̆ng.

Êsai 22:25

Kră Yang Tih Hloh khan: Lăm năr noh, kơđĭnh đêl pơ̆ng 'bơ̆t anih kơjăp gô tơtoh, đe gô lê̆ sư, sư gô huŏng, tơmam trăp hơtol kơpal sư gô koh kơtĕch lê̆. Kră Yang khan thoi noh.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Êsai 32:17

Tơdrong jang 'lơ̆ng tơpăt gô jing tơdrong hiôk-hian, plei tơdrong 'lơ̆ng tơpăt gô đei hiôk hơđơ̆ng ling-lang.

Êsai 36:16

'Nĕ pă mơ̆ng pơtao Hesekia, 'nâu nơ̆r pơtao Asiri pơma khan: Pơm hiôk hăm inh păng yơ̆r ti kơ inh bĕ, na lu iĕm mă bu bu kư̆m gô đei sa plei hơra, plei hơmu iĕm kơdih păng nhă đak sơlŭng iĕm kơdih,

Êsai 40:5

Kơplah noh tơdrong ư-ang Kră Yang gô pơdah păng đĭ-đăng kon bơngai gô lăng 'bôh; yua kơ 'bơ̆r Kră Yang pơma bơih thoi noh.

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Êsai 58:14

Kơplah noh iĕm gô đei chơt hiôk lăm Kră Yang, păng Inh gô ăn kơ iĕm tŏk hao lu anih kơjung hloh kơpal teh đak. Inh gô 'me rong iĕm hăm mŭk tơmam Jakôp 'bok iĕm.” 'Bơ̆r Kră Yang pơma thoi noh.

Je 23:4

Inh gô chă lu bơngai wei rong lu sư; lu sư ưh pă hli kơ kiơ dơ̆ng păng ưh kơ đei hiong minh pôm ayơ,” noh Kră Yang khan.

Je 30:10

Kră Yang khan: “Ơ Jakôp, ih boih đĭch đam Inh, 'nĕ kơ hli. Ơ Isơrael, 'nĕ pă tơrơ! Inh gô dŏng pơklaih iĕm đơ̆ng dêh ataih, đơ̆ng teh đak iĕm pơm bơnă. Jakôp gô brŏk hiôk-hian, rơnŭk rơnua jang sa, ưh kơ đei hli tơrơ kơ bu dơ̆ng.”

Êsêkiên 34:25

Inh gô pơjing tơdrong pơgơ̆p hiôk-hian hăm lu sư. Inh pơpuh lu sem bri đơ̆ng teh weh tơ nai; lei wă kơ lu sư oei sa hiôk-hian tơ anih bri rơwơ̆ng.

Êsêkiên 34:28

Lu sư ưh pă pơm tơmam sa kơ lu teh đak nai dơ̆ng; lu sem bri mă khĕnh kư̆m pă đei sa lu sư dơ̆ng, lu sư gô oei sa hiôk-hian, pă đei hli dơ̆ng.

Êsêkiên 38:11

Ih khan: “Inh gô năm truh tơ tơring pơlei mă ưh kơ đei dur; inh gô blah kon pơlei mă oei arih sa hiôk-hian; đĭ-đăng lu sư oei lăm pơlei mă ưh kơ đei kơđông, ưh kơ đei kơ dur păng ưh kơ đei măng jang.

Êsêkiên 39:26

Lu sư gô đei tơdrong mơlâu yua kơ đei pơm yoch hăm Inh, kơplah lu sư oei hiôk-hian lăm char noh ưh kơ đei bu tơhli lu sư.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Mi 5:3

Sư gô dơ̆ng kơjăp păng gô gơnang kơ tơdrong pran kơtang đơ̆ng Kră Yang hăm tơdrong rŏ hơbŏ anăn Kră Yang 'Bok Kei-Dei Sư kơdih păng wei-lăng khŭl Sư kơdih; păng lu sư gô oei rơnŭk, yua kơ kơplah noh gô pơm tih hloh kơ đĭ-đăng bơngai tôch kơ teh.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”