Mi 4:3 - Sơ̆p Hlabơar Nơ̆r 'Bok Kei-Dei

³ Sư gô pơjing tơdrong sek tơlang tơ rim adrĕch adrung, sek tơbăt tơpăt kơ dôm lu dêh char pran kơtang oei tơ anih ataih; păng lu sư gô iŏk đao hơjơ̆m pơm pla 'nhik choh, iŏk hơlă pơm pla săng kô; dêh âu pă đei iung blah dêh nai păng kư̆m pă đei pơhrăm tơdrong wă tơblah dơ̆ng.

Mi 4:3 Iomraidhean Croise

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 46:9

Sư pơtôch tơdrong tơblah jơ̆p-jang teh đak. Gơ̆ lê̆ hră, gơ̆ lê̆? Tơju rơkhai rơkhônh. Sư soh lê̆ gre tơ lăm ŭnh.

Horiso 72:3

Ăn lu kông gô ba tơdrong hiôk jơnap kơ kon pơlei pơla, lu groi đei plei tơdrong 'lơ̆ng tơpăt

Horiso 72:7

Lăm kơplah pơtao oei pơgơ̆r ăn kơ bơngai tơpăt hiôk jơnap. Ăn tơdrong rơnŭk rơnua dĭng măt khei pă đei.

Horiso 82:8

Ơ Kră Yang 'Bok Kei-Dei, iung, sek tơlang bĕ kơ teh đak; Yua kơ đĭ-đăng kon pơlei tơmam Ih ngăl.

Horiso 96:13

Sư truh wă sek tơlang kơ teh đak, Sư gô sek tơlang kơ teh đak hăm tơdrong tơpăt. Yua tơdrong tơpăt sĭt Sư na sek kơ kon pơlei pơla.

Horiso 98:9

Yua kơ Sư truh wă sek tơlang kơ teh đak. Sư sek tơlang kơ teh đak hăm tơdrong tơpăt sư, tơpăt hơnơ̆ng. Sư sek tơlang kơ kon pơlei pơla.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 25:3

Noh bơih na lu kon pơlei đơ̆ng dêh char pran kơtang gô ư-ang kơ Ih, pơlei tih lu adrĕch adrung bơngai pơm kơnê̆ krưp gô hli yom kơ Ih.

Êsai 51:5

Tơdrong 'lơ̆ng tơpăt Inh wă jê̆ truh; tơdrong dŏng pơklaih Inh truh bơih. Tơpang ti Inh gô wei pơgơ̆r đĭ-đăng kon pơlei. Lu bơngai oei lăm bŏl dơsĭ chang gô Inh păng lu sư hơmĕng gơnang kơ tơpang ti Inh.

Êsai 60:12

kon pơlei păng teh đak ayơ ưh kơ chu yom kơ ih, lei gô pơlôch pơrăm, lu teh đak kon pơlei noh gô pơrăm pơchah pơchek đĭ.

Êsai 65:25

Kŏ-so hăm triu kon gô sa hơdai, dăm-brang sa hơnong 'ba thoi rơmo, 'bih gô sa 'mui teh. Gô ưh pă đei bu wă pơm kơnê̆, dah wă pơrăm lăm jơ̆p-jang kông rơgoh Inh,” Kră Yang khan thoi noh.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Hôsia 2:18

Lăm năr noh, Inh pơgơ̆p kon pơlei Inh hăm lu sem bri, lu sem păr păng lu hơdrông kơep mơmŏ kơpal teh Inh kư̆m gô gơ̆ lê̆ đĭ đao gưm, hră đơ̆ng lăm teh đak âu, pơgăn lê̆ lu tơdrong tơblah tơblŭng păng pơm ăn kơ kon pơlei tep pơdơh hiôk-hian.

Hôsia 2:20

Tơpă Inh gô tơ'bôh kơ ih tơdrong tơpăt sĭt, na ih gô băt kơ Kră Yang.

Jôel 3:2

Inh gô akŭm đĭ-đăng lu bơngai đơ̆ng jơ̆p kơ dêh char păng ba lu sư năm jur tơ lăm thŭng Jêhôsaphat. Tơ noh, Inh gô sek tơlang lu sư, gah lu kon pơlei pơla Inh, lu bơngai Isơrael bơih jing tơmam Inh, yua kơ lu sư pơpuh lu kon pơlei pơla Inh tơ jơ̆p-jang kơ dêh char păng pĕng iŏk teh đak Inh,

Mi 5:15

Lăm tơdrong hil mĭl tơtŏ, Inh gô pơm tơwih tơdrong yoch kơnê̆ lu kon pơlei kuă kơ chu yom kơ Inh.

Sa 14:3

Dang ei, Kră Yang gô năm blah hăm lu dêh char noh, kư̆m thoi sư đei blah boih lăm năr tơblah.

Sa 8:20

Kră Yang Tih Hloh khan thoi âu: “Gô đei lơ lu kon pơlei păng lu kon pơlei nai mă oei tơ lăm pơlei tih gô truh;

Sa 9:10

Inh gô pơrăm lu gre aseh đơ̆ng Êphraim păng aseh đơ̆ng Jêrusalem; hră mă đe tơblah Inh gô gơ̆ lê̆ păng Sư gô sơkat ăn pŭn hiôk kơ adrĕch kon bơngai; tơdrong mơsêh Sư truh tơ jơ̆p lăm đak dơsĭ âu truh tơ dơsĭ to, đơ̆ng glung tih truh tơ tôch kơ teh đak.

Jang 17:31

yua kơ Sư pơkă năr boih wă kơ sek tơlang tơpăt kơ đĭ-đăng kon bơngai jơ̆p kơ teh đak. Sư rơih minh 'nu bơngai wă sek tơlang tơgŭm 'Bă Sư boih. Bơngai sek tơlang ei, anăn Sư Yêsu Krist. 'Bă Sư ăn kơ Sư lôch iung arih wă tơbăt kơ đĭ-đăng bơngai Yêsu gô sek tơlang kon bơngai tơpă.”

Tơdrông Tơ'bôh 19:11

Inh kư̆m 'bôh plĕnh tơpơih păng 'bôh hloi aseh kok tơ noh. 'Bok mă oei hao aseh ei đe anăn Sư 'Bok 'Lơ̆ng Tơpăt. Tơdrong Sư sek tơlang đe kư̆m tơpăt, mă Sư blah rôp lu bơngai ayăt kơ Sư kư̆m kiơ̆ tơdrong tơpăt.

I Sam 2:10

Ơ! Kră Yang; Ih gô pơrăm lu bơngai ayăt hĕch hoch đĭ. Đơ̆ng plĕnh Sư gô ăn grơ̆m re pơrăm lu đe noh; Kră Yang gô sek tơlang kơ đĭ-đăng bơngai. Sư gô ăn tơdrong pran kơtang kơ pơtao Sư Păng ăn tơdrong kĕ jei kơ bơngai mă Sư đei hling đak pơgang 'bâu phu.a