Mi 4:10 - Sơ̆p Hlabơar Nơ̆r 'Bok Kei-Dei

¹⁰ Ơ lu drŏ-kăn Siôn, jĭ pơmat gleh hrat thoi drŏ-kăn tơpŭ wă kơ đei hơ'lơ̆p! Yua kơ lu iĕm đe gô tơlĕch weh đơ̆ng lăm pơlei păng lu iĕm gô oei tơ lăm chŭn păng gô năm oei tơ char Babilôn. Oei tơ noh lu iĕm gô đei tơdrong dŏng pơklaih đơ̆ng noh, tơ noh Kră Yang gô huai iŏk iĕm tơlĕch iĕm đơ̆ng ti lu bơngai ayăt kơ iĕm.

Mi 4:10 Iomraidhean Croise

II Pot 20:18

Đơ̆ng noh, lu kon drŏ-nglo mă đơ̆ng ih pơjing, đe gô rôp anhăk ba pơđĭ lu sư gô jing lu linh krĕo oei lăm hnam pơtao đe Babilôn.

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

II Ho 36:20

Lu bơngai mă oei arih klaih đơ̆ng đao gưm, đe rôp chông ba pơm bơnă tơ char Babilôn; lu sư pơm đĭch đam kơ pơtao hăm kơ lu kon sâu sư dĭng truh tơ chăl pơtao dêh Persia pơgơ̆r,

II Ho 36:23

Sirus pơtao Phersia khan: “Kră Yang 'Bok Kei-Dei kơpal plĕnh đei ăn boih kơ inh pơgơ̆r dêh char lăm teh đak âu, Sư athei wă kơ inh man pơjing Hnam Akŭm tih kơ Sư tơ pơlei Jêrusalem lăm char Juđa. Lăm lu iĕm, bu mă kon pơlei pơla Sư, năm bĕ tơ pơlei Jêrusalem; hơpơi apinh Kră Yang 'Bok Kei-Dei oei hơdai sư, ăn kơ sư tŏk năm!” 11-Nov-2014@18:29, Backup Description=

Horiso 106:10

Sư dŏng pơklaih lu sư đơ̆ng ti lu bơngai pơm kơnê̆. Huai iŏk lu sư đơ̆ng ti lu bơngai ayăt.

Êsai 43:14

Kră Yang, Tơ'ngla huai iŏk lu iĕm, Kră Yang 'lơ̆ng Rơgoh đe Isơrael khan thoi âu: “Yua kơ lu iĕm, Inh wơh đe năm truh tơ pơlei Babilôn, pơm kơ lu sư kơdâu đĭ wă khan lu bơngai Kalđê, kơdâu ôn jur tơ lu thŏng-nan nhơ̆m hmoi.

Êsai 45:13

Inh gô tơiung sirus pơm tơdrong 'lơ̆ng tơpăt Inh, păng gô pơm ăn kơ trong sư tơpăt, sư gô pơm ming pơlei tih Inh păng tơlĕch lu kon pơlei Inh đơ̆ng đe puh ba pơm bơnă ưh kơ kăl kơ huai iŏk hăm tơmam apah ôh.” Kră Yang Tih Hloh khan thoi noh.

Êsai 48:20

Lĕch bĕ đơ̆ng Babilôn! Kơdâu weh bĕ đơ̆ng bơngai Kalđê! Athei jreo ôr hiôk chơt na khan roi tơbăt bĕ tơdrong 'nâu. Ră roi dĭng jơ̆p truh tôch kơ lăm teh đak! Athei khan: “Kră Yang dŏng pơklaih adrĕch Jakôp bơih, đĭch đam Sư.”

Je 13:4

“Chĕp ba bĕ che tơ̆n kơiĕng mă ih răt, dang ei oei tơ̆n noh, iung năm bĕ tơ jê̆ đak Krong Ơphrat, na tah ôn bĕ che noh lăm tơmo hơđang.”

Je 15:21

Inh gô dui iŏk ih đơ̆ng ti lu bơngai pơm kơnê̆, păng gô pơklaih ih rơngei đơ̆ng ti lu bơngai wă pơrăm ih

Je 29:20

Thoi noh ơ đĭ-đăng lu bơngai bơnă mă Inh đei puh đơ̆ng pơlei Jêrusalem năm tơ char Babilôn, mơ̆ng bĕ nơ̆r Kră Yang.”

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Je 52:27

Pơtao Babilôn athei đe pơlôch lu sư tơ pơlei Riblah lăm tơring Hamat. Thoi noh boih đe rôp chông ba lu bơngai Juđa pơm bơnă lăm char đe nai.

Hôsia 1:10

Mă-lei ră kon sâu Isơrael gô jing lơ thoi chuơh cheng đak dơsĭ, ưh kơ kĕ kơ jô̆, pă kĕ tơng. Kơplah noh kơnh, ki Inh krao lu iĕm âu ưh pă trŏ kon pơlei Inh boih, na dang ei Inh gô krao lu iĕm jing kon Kră Yang 'Bok Kei-Dei mă arih ling-lang.

Hôsia 13:13

Tơdrong jĭ thoi drŏ-kăn tơpŭ truh boih kơ lu sư, mă-lei lu sư thoi kon nge ngŏk kơ hlôh kơwao, Lăp truh jơ 'năr boih, mă-lei sư ưh kơ jah lĕch đơ̆ng tơpu kon.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Mi 5:3

Sư gô dơ̆ng kơjăp păng gô gơnang kơ tơdrong pran kơtang đơ̆ng Kră Yang hăm tơdrong rŏ hơbŏ anăn Kră Yang 'Bok Kei-Dei Sư kơdih păng wei-lăng khŭl Sư kơdih; păng lu sư gô oei rơnŭk, yua kơ kơplah noh gô pơm tih hloh kơ đĭ-đăng bơngai tôch kơ teh.

Tơdrông Tơ'bôh 12:14

Mă-lei 'Bok Kei-Dei ăn kơ bơngai drŏ-kăn ei minh blah ao pơnăr klang tih, wă kơ sư gơh păr jăk tơ anih kueng chơngue, tơ anih mă 'Bok Kei-Dei gô hiĕm 'me sư kơplah pêng sơnăm minh puăt. Na yă-grai ei sư tôch đon ưh kơ gơh pơm kiơ kơ sư.