Mi 3:7 - Sơ̆p Hlabơar Nơ̆r 'Bok Kei-Dei

⁷ Lu bơngai ngăl băt lê̆ adrol gô mơlâu păng lu bơngai khan lê̆ adrol gô mơlâu plơ̆m. Đĭ-đăng lu sư gô đơ̆p lê̆ 'bơ̆r lu sư, 'Bok Kei-Dei kư̆m pă đei tơl tơwih nơ̆r lu sư krao apinh.

Mi 3:7 Iomraidhean Croise

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

Le 9:11

Lu bơngai pơjâu yua kơ pơtôch đuh lĕch ưh kơ gơh dơ̆ng 'bơ̆t anăp Môis yua kơ lu bơngai pơjâu kư̆m đei pơtôch lei-lăi thoi đĭ-đăng bơngai Êyiptơ.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Êsêkiên 24:17

Hmoi bĕ, mă-lei 'nĕ kơ ôr re, 'nĕ pă hmoi ơh kơ bơngai lôch; chô̆ bĕ che tơ kơ̆l, 'bot bĕ chơkhŏ ih. 'Nĕ kơ gom 'bơ̆r ih păng 'nĕ sa 'bĕng đơ̆ng lu bơngai năm hơpong pơlung.”

Êsêkiên 24:22

Lu iĕm gô pơm thoi inh hlôi pơm; lu iĕm ưh kơ gom 'bơ̆r păng 'nĕ sa 'bĕng lu bơngai năm hơpong pơlung.

Lêwi 13:45

Bơngai jĭ chin đei tơdrong jĭ noh gô hrŭk hơbĕn ao hiah, ưh kơ chô̆ sŏk, gom lê̆ sŏk kang sư na athei ôr: 'Mê̆-'mach, 'mê̆-'mach.

Am 8:11

Kră Yang khan: 'Nâu 'năr wă truh noh kơplah inh ăn tơdrong pơngot rơwĕt truh tơ lăm teh đak, ưh kơ trŏ khan pơngot kơ por sŏng, kư̆m ưh kơ trŏ rơhing kơ đak, mă-lei pơngot kơ 'maih wă mơ̆ng nơ̆r Kră Yang.

Mi 3:4

Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Mi 7:16

Lu kon bơngai lăm teh đak 'bôh tơdrong noh, gô mơlâu kơ tơdrong pran kơtang lu sư; lu sư gô oei hreh ưh kơ pơ̆n pơma păng đon lu sư jing klĭk.

Sa 13:4

Kŭm lăm năr noh, dah lu 'bok khan lê̆ adrol, wă pơma lê̆ adrol lu sư gô mơlâu gah tơdrong mă đei tơ'bôh kơ lu sư; lu sư kư̆m ưh pă đei hrŭk ao tai đe tanh păng sŏk kon sem brem wă pơma hơlĕnh dơ̆ng.

I Sam 14:37

Sôl krao apinh Kră Yang 'Bok Kei-Dei: Inh hăm gơh jur druh lu bơngai Philistin ưh? Ih hăm pơjao lu sư lăm ti bơngai Isơrael ưh? Mă-lei Kră Yang 'Bok Kei-Dei ưh kơ đei tơl lăm năr noh.

I Sam 28:15

Samuel jet Sôl: Yua kơ kiơ ih pơhrơ inh krao inh tŏk wă pơm kiơ? Sôl tơl: Inh đei tơdrong truh tih, yua kơ lu bơngai Philistin tơblah păng inh. Na Kră Yang 'Bok Kei-Dei achăng lê̆ inh, Sư ưh kơ tơl nơ̆r inh dơ̆ng yua 'bơ̆r lu bơngai khan lê̆ adrol, dah đơ̆ng apo. Thoi noh na inh khŏm krao ih tŏk, wă kơ ih roi tơ'bôh ăn kơ inh băt inh athei pơm kiơ.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.

I Sam 9:9

Sơ̆ bơngai Isơrael, dah bơngai bu wă krao chă Kră Yang 'Bok Kei-Dei, ngăl khan: Bĕ bơ̆n năm tơ'bơ̆p 'bok băt lê̆ adrol; bơngai mă bơ̆n krao 'bok khan lê̆ adrol.