Mi 3:6 - Sơ̆p Hlabơar Nơ̆r 'Bok Kei-Dei

⁶ Yua kơ thoi noh măng mu gô gom lê̆ lu iĕm na ưh pă đei tơdrong kiơ tơ'bôh kơ lu iĕm lu iĕm gô oei lăm măng mu na ưh pă đei khan lê̆. Adrol dơ̆ng, măt 'năr gô mơ̆t măng mu kơ lu bơngai khan lê̆ adrol noh păng kơ'năr gô jing măng mu tăp dăr kơ lu sư.

Mi 3:6 Iomraidhean Croise

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 59:10

Lu bơ̆n chă pơpel hơbơ̆ rok kiơ̆ tơnăr thoi bơngai măt tol; chă hơbơ̆ thoi bơngai ưh kơ đei măt; kơplah 'năr dơ̆ng bơ̆n nơnăm pơ̆k iung thoi yak lăm măng mu; lăm lu bơngai pran kơtang mă bơ̆n thoi bơngai lôch.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 15:9

Minh 'nu mĕ tơpŭ kơ tơpơh 'nu kon, sư gô hơngơ̆t păng dui jơhngơ̆m, dĕnh Măt 'năr sư gô jing măng mu kơplah 'năr dơ̆ng, sư gô kơdơ̆ mơlâu. Lu bơngai mă oei arih Inh gô jao kơ lu ayăt pơlôch hăm đao gưm, noh Kră Yang khan.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.

Am 8:11

Kră Yang khan: 'Nâu 'năr wă truh noh kơplah inh ăn tơdrong pơngot rơwĕt truh tơ lăm teh đak, ưh kơ trŏ khan pơngot kơ por sŏng, kư̆m ưh kơ trŏ rơhing kơ đak, mă-lei pơngot kơ 'maih wă mơ̆ng nơ̆r Kră Yang.

Mi 2:6

“'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.