Mi 3:4 - Sơ̆p Hlabơar Nơ̆r 'Bok Kei-Dei

⁴ Kơplah ei lu sư gô krao apinh Kră Yang, mă-lei Kră Yang ưh kơ tơl tơwih, tơpă Kră Yang ôn muh măt Sư kơ lu đe noh lăm kơplah noh kiơ̆ thoi tơdrong kơnê̆ lu sư đei pơm boih.

Mi 3:4 Iomraidhean Croise

Jop 27:9

Kơplah đei tơdrong răm truh, Kră Yang 'Bok Kei-Dei hăm mơ̆ng nơ̆r lu sư krao ôr?

Jop 35:13

Tơpă nơ̆r krao khan ưh kơ lui ngeh. Kră Yang 'Bok Kei-Dei ưh kơ 'maih mơ̆ng, Kră Yang Tih Hloh ưh kơ 'maih hiơ̆k.

Horiso 18:41

Lu sư ôr krao, mă-lei ưh kơ đei bu dŏng; Lu sư krao chă Kră Yang, mă-lei Sư ưh kơ tơl tơwih.

Tơdrông Pơđơk 1:28

Kơplah noh kơnh lu sư gô krao apinh Inh, Mă-lei Inh ưh kơ tơl tơwih; Lu sư adrin chă Inh, Mă-lei ưh kơ đei tơ'bơ̆p.

Tơdrông Pơđơk 28:9

Bơngai bu ưh kơ wă kuă pơgling đon mơ̆ng kiơ̆ khôi juăt. Nơ̆r krao apinh sư Kră Yang areh krưp.

Êsai 1:15

Na mưh kơplah iĕm yơ̆r ti krao khan, Inh đơ̆p măt ưh kơ wă lăng lu iĕm ôh. Mă khan iĕm krao khan lơ, Inh ưh kơ wă mơ̆ng ôh. Ti lu iĕm 'bĕnh kơ pham.

Êsai 3:11

Răm-'băm dêh kơ lu bơngai pơm kơnê̆, sư gô đei tơdrong pơmat-tat! Lu sư gô pŭ iŏk đêl ti lu sư pơm!

Je 11:11

Thoi noh Kră Yang khan thoi âu: Inh gô ăn tơdrong gleh răm truh, lu sư ưh kơ gơh klaih ôh, mă lu sư krao ôr apinh Inh, Inh ưh kơ wă mơ̆ng lu sư ôh.

Je 14:12

Mă khan lu sư ơ̆t kơ sŏng sa, Inh ưh kơ đei mơ̆ng nơ̆r lu sư krao khan ôh, mă khan lu sư pơyơ̆r tơmam soi 'buh dah tơmam soi phe 'ba, Inh ưh kơ iŏk ôh; mă-lei Inh gô pơrăm lu sư hăm đao gưm, hăm tơdrong pơngot rơwĕt păng hăm tơdrong jĭ hơpoh.”

Je 33:5

Tơblah hăm lu bơngai Kalđê, lu hnam 'nâu 'bĕnh kơ atâu akâu bơngai Inh pơlôch lăm năr Inh hil, lăm năr Inh mĭl. Yua kơ lu kon pơlei âu pơm yoch na Inh ôn boih muh măt Inh đơ̆ng pơlei âu.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Mi 3:7

Lu bơngai ngăl băt lê̆ adrol gô mơlâu păng lu bơngai khan lê̆ adrol gô mơlâu plơ̆m. Đĭ-đăng lu sư gô đơ̆p lê̆ 'bơ̆r lu sư, 'Bok Kei-Dei kư̆m pă đei tơl tơwih nơ̆r lu sư krao apinh.

Mi 7:13

Mă-lei teh âu gô lê̆ bri juơ yua kơ đe gô pơm 'mong tơwih kơ tơdrong đêl lu kon pơlei oei lăm noh pơm kơnê̆.

Sa 7:13

Đei tơdrong truh thoi kơplah Inh krao, lu sư ưh kơ chu mơ̆ng, na kơplah lu sư krao Inh kư̆m ưh kơ wă mơ̆ng, Kră Yang Tih Hloh khan thoi noh.

Mathiơ 7:22

Năr tôch ning-mônh đei lơ bơngai pơma lung Inh thoi âu: ‘Ơ Kră Yang, nhôn yua anăn Ih pơtruh nơ̆r 'Bok Kei-Dei, nhôn yua anăn Ih pơpuh yang kơnê̆ lĕch đơ̆ng akâu bơngai păng nhôn pơm lơ tơdrong mơsêh mơyang nai yua anăn Ih.’

Luka 13:25

Pơtih gia Inh mă 'Bok tơ'ngla hnam gô tang lê̆ 'măng, na lăp iĕm dơ̆ng dơdŭ 'măng 'bơ̆t 'ngoaih khan: ‘Ơ 'Bok, pơih ăn kơ nhôn 'măng,’ na Inh khan: ‘Inh ưh kơ băt iĕm đơ̆ng yơ.’

Yo 9:31

Dah Sư bơngai yoch, 'Bok Kei-Dei ưh kơ ăn Sư pơm tơdrong mơsêh mơyang ôh, yua kơ bơ̆n băt 'Bok Kei-Dei ưh kơ wă mơ̆ng lu bơngai yoch ôh. Sư mơ̆ng dôm lu bơngai mă lui kơ Sư.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

I Sam 8:18

Kơplah ei kơnh lu iĕm gô ôr krao yua kơ đơ̆ng pơtao mă iĕm đei rơih iŏk noh, mă-lei Kră Yang ưh kơ wă mơ̆ng nơ̆r lu iĕm ôh.