Mi 2:9 - Sơ̆p Hlabơar Nơ̆r 'Bok Kei-Dei

⁹ Lu iĕm pơpuh lu bơngai drŏ-kăn, kon pơlei ih lĕch đơ̆ng hnam chơt hiôk lu sư; păng iŏk tơdrong ư-ang Inh đơ̆ng lu kon hơ'lơ̆p sư ling-lang hlŏng hloi.

Mi 2:9 Iomraidhean Croise

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Je 10:20

Bơsŭn inh răm đĭ boih, Tơlei chô̆ bơsŭn kơtĕch đĭ boih; Lu đe kon inh weh boih đơ̆ng inh, ưh pă đei 'bôh lu sư boih, Ưh pă đei bu boih tơgŭm pơdơ̆ng ming bơsŭn inh. Kŭm ưh pă đei pĕng che anih inh oei.

Êsêkiên 39:21

Inh gô tơ'bôh tơdrong ư-ang 'lơ̆ng rŏ Inh tơ lăm lu dêh char; đĭ-đăng lu dêh char gô 'bôh tơdrong Inh sek tơlang đei pơm bơih păng tơpang ti Inh dan kơpal lu sư.

Jôel 3:6

Lu iĕm tĕch boih kon sâu Juđa păng kon sâu Isơrael kơ lu bơngai Grĕk, wă kơ chông anhăk lu sư ataih đơ̆ng anih hnam lu sư.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Mi 2:2

Lu sư 'ngeng kơ mir chŭn na tơgar iŏk. 'Ngeng kơ hnam đe păng tơgar iŏk hloi mŭk tơmam sư.

Habakuk 2:14

Yua kơ gô băt hlôh tơdrong ư-ang Kră Yang 'bĕnh jơ̆p kơ teh thoi đak 'bĕnh kơ dơsĭ.

Sa 2:5

Yua kơ Inh, Kră Yang: ‘Inh gô pơm dur pơlei noh hăm ŭnh păng gô đei tơdrong ư-ang tơ lăm sư.’ ”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Markôs 12:40

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơm pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

Luka 20:47

Lu sư chă pơjĭp iŏk mŭk tơmam lu drŏ-kăn adro, na lu sư kư̆m pơrŏ krao khan kơ 'Bok Kei-Dei đunh wă kơ đe jô̆ kơ sư khan bơngai 'lơ̆ng. Mă-lei 'Bok Kei-Dei gô phak lu sư hloh kơ đe ning-mônh.”

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.