Mi 2:8 - Sơ̆p Hlabơar Nơ̆r 'Bok Kei-Dei

⁸ Mă-lei 'nao brei mơsơ̆ lu kon pơlei Inh blah plơ̆ thoi ayăt, lu bơngai mă yak rok trong 'nâu hiôk-hian, ưh kơ wă tơblah ôh, lu iĕm athei plôh iŏk ao tai 'nguaih đơ̆ng lu sư, lê̆ lăi kơ lu sư ao lăm đĕch.

Mi 2:8 Iomraidhean Croise

II Sam 20:19

Lu nhôn jơ̆ bơngai oei hiôk-hian păng tơnăp lăm char Isơrael. Mă-lei ih chă đon wă pơrăm lê̆ minh pôm pơlei mĕ lăm Isơrael! Thoi yơ ih mă 'maih pơrăm lê̆ mŭk tơmam Kră Yang?”

Horiso 55:20

Lu bơngai noh hiŏng ti pơrăm lu bơngai oei 'lơ̆ng hăm lu sư. Păng plơ̆ plĕch nơ̆r lu sư pơkă.

Je 12:8

Kon pơlei Inh pơm kơ Inh, thoi dăm-brang lăm bri. Sư hơrum wă pơm kơ Inh, thoi noh Inh areh achăng lê̆ lu sư.

Mi 3:2

Ơ lu areh kơ tơdrong 'lơ̆ng wă kơ tơdrong kơnê̆, lu iĕm lŏng akar lu kon pơlei Inh, hleh sĕch đơ̆ng kơting lu sư.

Mi 3:3

Lu iĕm sa sĕch lu kon pơlei Inh, lŏng hiŏng iŏk akar gơ̆ lê̆ kơting, lu sư rơkhŭl rơkhăl thoi wă tah pai lăm gŏ, kư̆m thoi 'nhĕm sĕch tơ lăm gŏ glah.

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.