Mi 2:7 - Sơ̆p Hlabơar Nơ̆r 'Bok Kei-Dei

⁷ Ơ hnam Jakôp! Hăm trŏ đe khan tơdrong 'nâu Yang Bơhngol 'Lơ̆ng Kră Yang ưh kơ gơh pơm tôm tơdrong hă? 'Nâu hăm trŏ tơdrong Sư pơm? Hăm trŏ kơ nơ̆r Inh pơma pơyua kơ lu bơngai mă kiơ̆ tơdrong tơpăt.

Mi 2:7 Iomraidhean Croise

Horiso 119:65

Ơ Kră Yang, Ih pơm 'lơ̆ng kơ lu đĭch đam Ih. Kiơ̆ thoi nơ̆r Ih khan.

Horiso 119:68

Ih 'lơ̆ng juăt kơ pơm 'lơ̆ng; apinh Ih bơtho inh tơdrong juăt Ih.

Horiso 15:2

Lu bơngai yak kiơ̆ trong tơpăt, pơm tơdrong trŏ. Sư pơma tơpăt lăm jơhngơ̆m sư;

Horiso 18:26

Hăm lu bơngai 'lơ̆ng rơgoh, Ih boih Tơ'ngla 'lơ̆ng rơgoh; Gah lu bơngai ưh kơ chu, Ih gô phak tơpă.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Tơdrông Pơđơk 10:29

Trong Kră Yang kơđông kơjăp kơ bơngai tơpăt. Mă-lei đei tơdrong răm lăm lu bơngai pơm kơnê̆.

Tơdrông Pơđơk 10:9

Bơngai bu năm kiơ̆ trong tơpăt băt yak hiôk-hian. Mă-lei bơngai bu yak kiơ̆ trong đŏng gô pơmat.

Tơdrông Pơđơk 14:2

Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.

Tơdrông Pơđơk 2:7

Sư 'măn tơdrong gơh hơgei kơ bơngai tơpăt; Sư boih jing khêl pĕng kơ lu bơngai yak năm tơdrong trŏ.

Tơdrông Pơđơk 28:18

Bơngai bu oei arih sa 'lơ̆ng tơpăt gô đei dŏng pơklaih; Bơngai bu kiơ̆ trong đŏng gô huŏng ưh kơ tam băt.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Je 2:4

“Ơ adrĕch Jakôp păng đĭ kon sâu Isơrael mơ̆ng bĕ nơ̆r Kră Yang khan”

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Jo 11:23

Kră Yang khan kơ Môis thoi âu: Ti Kră Yang kơđeh hă?a Ih gô lăng hŏ tơdrong mă Inh đei khan boih hăm ih gô lăng hăm truh trŏ 'blep.

Mathiơ 3:8

Iĕm athei tŭk lê̆ đĭ dôm tơdrong kơnê̆, na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih.

Yo 8:39

Lu sư khan kơ Yêsu: “Abraham boih 'bă nhôn.” Yêsu khan kơ lu sư: “Dah iĕm kon Abraham tơpă lei iĕm pơm kiơ̆ thoi sư pơm.

Rom 7:13

Na ưh kơ sĭ tơdrong juăt 'Bok Kei-Dei pơkă mă 'lơ̆ng noh pơm kơ inh trŏ kơ wă lôch răm ôh. Tơdrong juăt 'Bok Kei-Dei tơbăt kơ inh bơngai yoch, mă inh yoch noh yua kơ tơdrong kơnê̆ oei lăm jơhngơ̆m inh, sư pơm kơ inh yoch kơ tơdrong juăt 'Bok Kei-Dei pơkă na trŏ kơ lôch răm. Thoi noh bơ̆n băt boih tơdrong kơnê̆ oei lăm jơhngơ̆m bơ̆n kơnê̆ tơpă.

II Kor 6:12

Ưh kơ sĭ nhôn kuă kơ pơm buăl hăm iĕm ôh, hli kơ iĕm đĕch kuă kơ pơm buăl hăm nhôn.

II Tim 3:5

Lu sư mơ'nah pơm thoi bơngai lui mơ̆n mă-lei sư ưh kơ lui tơpă ôh. Sư ưh kơ băt kơ 'Bok Kei-Dei pơklaih bơ̆n ăn kơ bơ̆n jing bơngai 'lơ̆ng tơpăt păng jang tơdrong Sư pran kơtang. Ih athei weh ataih đơ̆ng lu bơngai 'noh.