Mi 2:6 - Sơ̆p Hlabơar Nơ̆r 'Bok Kei-Dei

⁶ “'Nĕ pă bơtho dơ̆ng,” lu sư bơtho. Lu sư ưh kơ bơtho tơdrong noh, Tơdrong mơlâu ưh kơ weh đơ̆ng lu sư.

Mi 2:6 Iomraidhean Croise

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 30:10

Lu sư khan kơ lu bơngai đei tơdrong tơ'bôh: “'Nĕ pă 'bôh;” khan kơ lu bơngai khan lê̆ adrol: “'Nĕ pă khan lê̆ adrol kơ lu nhôn gah tơdrong sĭt. Pơma roi bĕ kơ lu nhôn tơdrong nhôn lăp đon chơt, roi bĕ kơ lu nhôn tơdrong 'bôh ưh kơ đei tơpă.

Êsêkiên 20:46

Ơ kon bơngai, lăng bĕ muh măt tơ gah gơal, bơtho khan blah bĕ char gah gơal păng khan lê̆ adrol wă blah lu bri kơdrơ̆ng lăm char gah gơal.

Êsêkiên 21:2

Ơ kon bơngai, tơwih bĕ muh măt tơ gah Jêrusalem; athei khan na blah anih 'lơ̆ng rơgoh, păng khan lê̆ adrol blah teh đak Isơrael.

Êsêkiên 3:26

Inh gô pơm kơ hơpiĕt ih klep tơ păk-'ngơk, ih gô kơmlo, ưh kơ gơh chrih kơ lu sư; lu sư jing bơngai ayăt.

Am 2:12

Mă-lei lu iĕm ăn pơgŏ boih lu bơngai Nasiril huch sik păng khă lu bơngai khan lê̆ adrol: Lê̆ pă khan lê̆ adrol!

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Am 7:16

Na mơ̆ng bĕ nơ̆r Kră Yang: Ih khan thoi âu: 'Nĕ khan lê̆ adrol wă blah Isơrael păng kư̆m 'nĕ kơ bơtho đe pơm kơnê̆ hăm Isăk.

Mi 3:6

Yua kơ thoi noh măng mu gô gom lê̆ lu iĕm na ưh pă đei tơdrong kiơ tơ'bôh kơ lu iĕm lu iĕm gô oei lăm măng mu na ưh pă đei khan lê̆. Adrol dơ̆ng, măt 'năr gô mơ̆t măng mu kơ lu bơngai khan lê̆ adrol noh păng kơ'năr gô jing măng mu tăp dăr kơ lu sư.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Jang 4:17

Mă-lei bơ̆n athei khă bre sư bơtho tơdrong Yêsu wă kơ tơdrong noh jah tôch.”

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.