Mi 2:4 - Sơ̆p Hlabơar Nơ̆r 'Bok Kei-Dei

⁴ Lăm năr noh kơnh, đe gô hơri minh tơdrong pơjăm pơjuă iĕm, đe gô nhơ̆m hmoi ơh sơ'ngon dêh păng khan: Lu bơ̆n âu đe pơlôch pơrăm đĭ boih! Sư iŏk lê̆ teh inh jang sa. Lu sư iŏk đơ̆ng inh, iŏk teh chŭn mir bơ̆n klaih asong ăn kơ bơngai ayăt.

Mi 2:4 Iomraidhean Croise

II Sam 1:17

Đawit pơm 'bai hơri nhơ̆m hmoi ơh sơ'ngon kơ Sôl păng kon tơdăm sư Jônathan.

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

Jop 27:1

Jop oei pơma dơ̆ng păng khan:

Êsai 14:4

Na iĕm gô yua nơ̆r pơma 'nâu wă pơjăm pơtao Babilôn: Lơliơ mă lu bơngai pơjuă pơđep hiong đĭ, bơngai mă hil areh pă 'bôh dơ̆ng bơih.

Êsai 24:3

Teh đak âu gô pơrăm đĭ ưh pă đei kiơ đe gô plah tơgar iŏk đĭ, yua kơ Kră Yang đei khan bơih nơ̆r 'nâu.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Je 14:18

Tơdah inh năm tơ mir chŭn, to akâu lu bơngai lôch kơ đao gưm, tơdah inh mơ̆t tơ pơlei tih, to 'bôh lu bơngai jĭ jăn yua kơ pơngot rơwĕt! Lu 'bok khan lê̆ adrol păng lu 'bok soi. Chă yak năm lăm dêh char mă lu sư ưh kơ lah băt.

Je 4:13

'Nâu, Sư truh thoi hơmơ̆l, gre aseh sư thoi kial hơbŭt, aseh sư kơdâu kuăng hloh kơ klang. Răm-'băm tơpă kơ lu bơ̆n, lôch răm đĭ!

Je 6:12

Hnam lu sư gô jao kơ đe nai; Hơdai hăm mir pơgar păng akăn lu sư hai. Kơplah Inh gô yơ̆r ti, phak lu kon pơlei lăm dêh 'nâu,” Kră Yang khan thoi noh.

Je 8:10

Thoi noh Inh gô ăn kơ đe nai iŏk akăn lu sư, chŭn mir lu sư kư̆m ăn kơ đe nai jang. Iŏk đơ̆ng lu bơngai pơm iĕ truh tơ lu bơngai pơm tih, tă kơ chă lơi kơdih ngăl. Đơ̆ng lu 'bok khan lê̆ adrol truh tơ lu 'bok soi, rim 'nu kơ lu sư tă kơ sa pơgâm ngăl.

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Êsêkiên 16:44

'Nâu đe gô pơma pơđơ̆k lăm nơ̆r pơma pơđơ̆k gah ih khan: “Mĕ liơ kon lei.”

Êsêkiên 2:10

Sơnôm hla bơar noh bơlang 'bơ̆t anăp inh, đei chih, lăm păng đaih, noh đei chih lu tơdrong nhơ̆m hmoi ơh sơ'ngon păng tơdrong pơmat-tat.

Jôel 1:13

Ơ lu 'bok soi, hrŭk bĕ ao 'bi na nhơ̆m hmoi. Ơ lu bơngai mă bơ̆jang 'bơ̆t chơnang soi, nhơ̆m hmoi bĕ. Ơ lu bơngai mă jang kơ Kră Yang 'Bok Kei-Dei, hrŭk hơbĕn ao 'bi hiah na tep om prăt măng, yua kơ tơmam soi phe 'ba, păng tơmam soi huch pă đei bơih lăm hnam Kră Yang 'Bok Kei-Dei lu iĕm!

Jôel 1:8

Lu iĕm athei nhơ̆m hmoi bĕ thoi minh 'nu adruh 'lơ̆ng hrŭk ao 'bi oei nhơ̆m kơ klo sư mă iŏk đơ̆ng 'lơ̆p lôch boih!

Am 5:1

Ơ adrĕch Isơrael, mơ̆ng bĕ nơ̆r 'nâu, jơ̆ nơ̆r nhơ̆m hmoi yua kơ lu iĕm.

Am 5:17

Tơ lăm pơgar hơmu gô kơtơ̆ng nơ̆r nhơ̆m hmoi yua kơ inh gô yak tŏk-bŏk iĕm, Kră Yang khan thoi noh.

Mi 1:15

Ơ kon pơlei Maresa, Inh gô ba minh 'nu bơngai truh tơ ih wă blah iŏk mŭk tơmam hnam dơnŏ. Tơdrong ư-ang kơ Isơrael gô truh pơlei Ađulam.

Mi 1:8

Thoi noh Inh gô nhơ̆m hmoi păng ôr tơngưih, plôh ao năm jơ̆ng hoh. Inh gô ôr krao thoi kŏ bri păng ôr tơngưih pơmat-tat thoi sem bơrơ̆m.

Mi 2:10

Lu iĕm iung bĕ! Weh bĕ! Yua kơ 'nâu ưh kơ sĭ ăn kơ iĕm pơdơh hiôk ôh, yua kơ tơdrong kơnê̆ 'mê̆-'mach pơrăm boih, tơnat pat dêh tơpă.

Habakuk 2:6

Hăm trŏ lu bơngai noh gô iŏk nơ̆r che bơle na hiĕk kơ sư, iŏk nơ̆r pơjăm sư thoi âu: “Răm-'băm tơpă kơ lu bơngai mă mong pơpôi lu tơmam mă ưh trŏ kơ tơmam sư kơdih! Lu sư pơgŏ iŏk tơmam iŏk thuê̆ trăp tơgar đơ̆ng đe, lu sư wă pơm thoi noh dĭng dang yơ?

Jêphania 1:2

“Inh gô pơlôch pơrăm đĭ tơmam kơpal teh,” Kră Yang khan thoi noh.

Jo 23:18

Balaam drơ̆ng sư hăm nơ̆r hơri thoi âu: Ơ Balak, iung mơ̆ng bĕ! Ơ kon drŏ-nglo Sipôr, pơgling đon mơ̆ng bĕ!

Jo 23:7

Balaam roi pơdah hăm nơ̆r hơri sư khan: Balak, pơtao Môap, krao inh đơ̆ng dêh Aram, đơ̆ng kông gah hơlĕch păng khan: Năm hiap lu adrĕch Jakôp bĕ! Năm hiap hil kơ lu adrĕch Isơrael bĕ.

Jo 24:15

Balaam hơri khan lê̆ adrol thoi âu: Nơ̆r hơri khan lê̆ adrol Balaam, kon drŏ-nglo Bêôr, Nơ̆r hơri khan lê̆ adrol đơ̆ng bơngai mă măt đei 'bôh hơdah boih.

Jo 24:3

na sư pơma khan lê̆ adrol hăm nơ̆r hơri thoi âu: Nơ̆r hơri khan lê̆ adrol Balaam, kon drŏ-nglo Bêôr khan, Nơ̆r hơri sư thoi đei măt lar 'bôh hơdah,

Markôs 12:12

Na lu 'bok soi tih, lu thây bơtho tơdrong juăt đe Juđê, hăm lu đe kră sek tơlang chă tơdrong wă rôp hloi Yêsu yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla 'bơ̆t ei, na lu sư weh đơ̆ng Yêsu 'noh năm tơ nai.

Both 28:29

Kơplah 'năr dơ̆ng iĕm nơnăm chă hơbơ̆ nhen thoi bơngai măt tol yak lăm măng mu; iĕm bơ̆jang sa ưh kơ pŭn. Rim năr đe gô pơjuă pơđep păng tơgar iŏk, ưh kơ đei bơngai bu dŏng iĕm.