Mi 2:12 - Sơ̆p Hlabơar Nơ̆r 'Bok Kei-Dei

¹² Ơ Jakôp sĭt Inh gô akŭm pơpôi lu iĕm, tơpă Inh gô akŭm lu bơngai Isơrael mă oei oei, akŭm pơpôi lu sư hơdai hơbĭ hăm triu Bôira minh pôm hơdrong, thoi lu triu lơ lăm tơmăn 'nhĕt lu sư, gô đei nơ̆r hmoi lơ ô-ôs ơ-as thoi đei bơngai lơ.

Mi 2:12 Iomraidhean Croise

Bl 36:33

Pơtao Bêla lôch, Jôbap, kon drŏ-nglo Sêra, bơngai Bôsra tŏk pơm pơtao.

I Ho 1:44

Pơtao Bêla lôch, Jôbap, kon drŏ-nglo Sêra, bơngai pơlei Bôsra, iung pơm pơtao.

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 27:12

Lăm năr noh kơnh Kră Yang preh ba đơ̆ng đak Krong Ơphrat truh tơ glung đak Êyiptơ, ơ kon pơlei Isơrael đe gô chă dônh iĕm minh 'nu, minh 'nu.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Êsai 5:17

Kơplah noh lu triu kon gô sa 'nhĕt, nhen thoi tơ tơmăn 'nhĕt sư kơdih, gah triu gô đei sa đêl đơ̆ng chŭn lu bơngai mơdrŏng lê̆ bri.

Je 23:3

“Noh Inh wă akŭm lu triu Inh mă oei arih đơ̆ng jơ̆p kơ dêh char mă Inh đei pơpuh lu sư. Inh gô chông anhăk lu sư mơ̆t tơ lăm tơmăn 'nhĕt lu sư; lu sư gô chek lar rai lơ.

Je 3:18

Truh tơ năr noh adrĕch Juđa gô pơgơ̆p hơdai hăm adrĕch Isơrael, lu sư gô yak hơdai weh đơ̆ng teh đak gah yă-nơ̆m na brŏk tơ dêh mă Inh đei ăn boih kơ 'bok yă lu iĕm jang sa.”

Êsêkiên 34:11

'Nâu nơ̆r Kră Yang khan: Inh kơdih gô chă triu Inh păng rong bơwei lu sư.

Êsêkiên 34:13

Inh gô chông lu sư lĕch đơ̆ng lăm lu kon pơlei; Inh gô akŭm lu sư đơ̆ng jơ̆p kơ teh đak păng ba lu sư tơ dêh char lu sư kơdih. Inh gô wei rong lu sư tơ kông Isơrael, jê̆ thong đak păng tơ jơ̆p kơ anih mă kon pơlei oei lăm tơring.

Êsêkiên 34:22

Na Inh gô pơklaih khŭl triu Inh lu sư ưh pơm tơmam sa kơ lu bơngai tơtông tơgar iŏk dơ̆ng păng Inh gô sek tơlang kơ triu hăm triu.

Êsêkiên 34:31

Lu sư triu Inh, triu oei lăm anih 'nhĕt Inh; lu iĕm jing kon bơngai Inh păng inh boih Kră Yang 'Bok Kei-Dei lu iĕm, Kră Yang khan thoi noh.

Êsêkiên 36:37

Kră Yang khan thoi âu: “Inh kư̆m ăn kơ adrĕch adrung Isơrael chă apinh Inh tơdrong 'nâu, ăn kơ lu sư rai lơ kơdrâ̆m thoi khŭl triu,

Êsêkiên 37:21

păng khan bĕ kơ lu sư: Kră Yang khan thoi âu: Inh gô chông ba adrĕch adrung Isơrael đơ̆ng lu char mă lu sư oei, Inh gô akŭm lu sư đơ̆ng jơ̆p kơ dêh char chông ba lu sư wih brŏk tơ char lu sư kơdih.

Hôsia 1:11

Kon sâu Juđa păng kon sâu Isơrael gô pơgơ̆p băl; păng gô pơjing pôk minh 'nu pơm yŏng pơgơ̆r đĭ-đăng lu sư đơ̆ng noh lu sư gô rai lơ lăm teh đak noh, yua kơ năr Jêsreel noh năr tih tơpă.

Am 1:12

Inh gô ăn ŭnh truh tơ pơlei Têman, sư gô sa pơđĭ lu kơđông kơjăp Bôsra.

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.

Mi 4:8

Gah ih ơ hnam Thôt wei triu, ơ kông groi Ôphel, ơ kon drŏ-kăn Siôn, tơdrong pơgơ̆r lu iĕm so sơ̆ wă khan teh đak drŏ-kăn Jêrusalem, gô truh tơ ih.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Mi 5:8

Apinh ti Kră Yang iung blah lu bơngai ayăt kơ Ih păng dôm lu bơngai mă areh kơ Ih gô pơlôch đĭ?

Mi 7:14

Iŏk 'long jra 'Bok Kei-Dei mơnat kơ bơngai Isơrael wei bĕ kon triu ih, wă khan khŭl triu sem dơrong ih lu oei minh drô̆ lăm bri kông Katmen; ăn bĕ kơ lu sư sa 'nhĕt lăm char Basan păng Gileat, kư̆m thoi ki sơ̆.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Jêphania 3:20

Kơplah noh, Inh gô anhăk iĕm brŏk, kơplah lăm năr noh Inh akŭm pơpôi iĕm hơdai, yua kơ Inh gô ăn kơ iĕm đei đe pơư pơang păng đei đe pơyom bơnê tơ lăm rim adrĕch adrung kon bơngai kơpal teh âu, kơplah Inh tơbrŏk lu bơnă 'bơ̆t anăp lu iĕm,” Kră Yang đei khan thoi noh.