Mi 1:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng lu rup man sư gô pơchah đĭ dôm lu tơmam lu sư iŏk sa pơgâm gô soh đĭ lăm ŭnh. Inh gô pơrăm lê̆ đĭ lu rup man lu sư; yua kơ mŭk tơmam lu sư mong 'măn noh đơ̆ng lu sư pơm đi, thoi noh lu sư yua tơmam noh apah ăn kơ lu bơngai pơm đi.

Mi 1:7 Iomraidhean Croise

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

Êsai 2:18

Lu rup yang gô hiong đĭ.

Êsai 23:17

Kơtĕch tơpơh-jĭt sơnăm bơih, Kră Yang gô năm tơmang pơlei Tir, pơlei sư gô pơm thoi đêl dơ̆ng, sư gô mơdro mơchan hăm rim dêh char lăm teh đak âu.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Êsêkiên 6:6

Mă anih ayơ lu iĕm oei, mă pơlei lu iĕm oei kư̆m gô pơrăm, lu anih kơjung lu iĕm juăt kơkuh gô păk. Chơnang soi kư̆m gô pơrăm pă đei, rup yang lu iĕm kư̆m teh pơchah ưh pă đei, gơ̆ng lu iĕm kơkuh kơ rup yang măt 'năr pơchah hơlih, dôm tơdrong jang lu iĕm pơm gô răm đĭ.

Hôsia 2:12

Inh gô pơrăm lê̆ lu tơm 'long hơra păng tơm 'long hơmu sư, noh sư khan: 'Nâu tơdrong apah đơ̆ng lu pơyô inh ăn kơ inh. Inh gô ăn kơ lu 'long sa plei gô jing thoi bri, păng lu sem bri gô sa.

Hôsia 2:14

Na, 'nâu, Inh gô pơlung sư, chông ba sư năm tơ tơmăn glă păng iŏk nơ̆r rơngơp pơma hăm sư.

Hôsia 2:5

Mĕ lu sư pơm boih pơyô kư̆ kă, anăp kơ lu sư hăm tơdrong mơlâu. Sư khan: Inh gô kiơ̆ lu pơyô inh, lu sư ăn kơ inh por sŏng đak nhă, che, sŏk triu, đak rơmă păng ăn kơ inh tơmam huch sa.

Hôsia 8:5

Ơ Samari, Inh hŭt lê̆ boih rup kon rơmo ih; Inh hil mĭl blah boih lu sư; ưh kơ băt đunh dang yơ lu sư gô chă tơdrong 'lơ̆ng rơgoh.

Hôsia 8:6

Rup kon rơmo noh đơ̆ng minh 'nu bơngai Isơrael pơm; noh ưh kơ Kră Yang 'Bok Kei-Dei ôh. Sĭt, rup kon rơmo lu bơngai Samari đe gô teh pơchah đĭ.

Jôel 3:3

hlang lăng tĕch kon pơlei pơla Inh, tơplih kon drŏ-nglo iŏk drŏ-kăn đi păng tĕch kon drŏ-kăn răt tơdrô wă et suai.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.

Both 9:21

Đơ̆ng noh inh iŏk tơmam, rup kon rơmo mă lu iĕm pơm păng soh lê̆ lăm ŭnh, teh pơhĕch lê̆, dĭng thoi 'mui teh; đơ̆ng noh inh tuh hŭt lê̆ 'mui noh lăm glung đak ro đơ̆ng kông.

Tơdrông Tơ'bôh 18:3

Pơlei Babilôn, pơlei pơchah răm, yua kơ tơdrong yoch lu sư pơm tơ'bôh kơ đe jơ̆p kơ teh đak, pơm pơyô kư̆ kă; lu 'bok pơtao jơ̆p teh đak kư̆m pơm pơyô hăm sư mơ̆n. Lu bơngai mơdro sa ala teh mơdrŏng yua sư, kơlih kơ tĕch kơ sư mŭk tơmam lơ tơpă.”

Tơdrông Tơ'bôh 18:9

Na lu 'bok pơtao jơ̆p kơ teh đak mă juăt kơ ngôi kư̆ kă hăm sư, kư̆m hơdai hưch kơ mŭk tơmam thoi sư mơ̆n, na lăp lu sư 'bôh 'nhui ŭnh sa pơlei ei, lu sư nhơ̆m hmoi.

I Sam 5:4

Pơgê đơ̆ng rŏng Asdôt iung đơ̆ng hrôih, 'bôh yang Dagôn 'bĭch kơmŭ brum tơ teh 'bơ̆t anăp Hom Pơgơ̆p Kră Yang, kơ̆l păng 'bar pah ti kơtĕch kơdih phara pha. Klơ̆m lê̆ 'bơ̆t 'măng hnam, oei pă akâu sư đĕch oei 'bơ̆t kơtă ei.