Mi 1:6 - Sơ̆p Hlabơar Nơ̆r 'Bok Kei-Dei

⁶ Thoi noh Inh gô pơm kơ pơlei Samari thoi hla đuih lăm bri, thoi anih mơ̆r đe pơtăm hơmu păng kư̆m gô pơm kơ lu tơmo đơ̆ng noh grŏl pơđĭ tơ lăm thŭng păng gô pơdră dôm hơnă sư tơ 'nguaih.

Mi 1:6 Iomraidhean Croise

II Sam 17:13

Tơdah sư kơdâu ôn tơ lăm pơlei ayơ, đĭ-đăng linh Isơrael gô iŏk tơlei giĕn dăng jum dăr pơlei noh, na dui pơlei noh păk hơlih tơ lăm thŭng thong, dĭng mah ưh pă đei 'bôh minh pôm tơmo hơga ayơ oei oei.”

II Pot 18:10

Pêng sơnăm đơ̆ng rŏng, sư blah iŏk Pơlei Samari. 'Noh 'blep kơ lăm sơnăm mă tơdrâu chăl Hesekia pơgơ̆r, jing sơnăm mă tơsĭn chăl Hôsêa, pơtao đe Isơrael, na Pơlei Samari, đe Asiri tơgar iŏk bơih.

II Pot 18:9

Truh lăm sơnăm mă puăn, chăl pơtao Hesekia pơgơ̆r 'blep kơ sơnăm mă tơpơh, chăl Hôsêa, kon drŏ-nglo Êlah, pơtao đe Isơrael, na Salmaneser, pơtao đe Asiri năm blah pơlei Samari, wang tăp kơ pơlei noh.

II Pot 19:25

Tơdrong noh Inh pơkă wă pơm 'nâu đunh đơ̆ng sơ̆ bơih, ih ưh kơtơ̆ng hă? Tơdrong kiơ mă Inh pơkă wă pơm đơ̆ng sơ̆ noh dang ei Inh pơm truh bơih, wă kơ ih pơm kơ lu pơlei tih kơjăp dĭng jing anih rơ̆m rek.

Êsai 17:1

Nơ̆r Khan lê̆ adrol kơ pơlei Đamas: “Mơ̆ng bĕ Pơlei Đamas, ưh pă jô̆ jing pơlei tih dơ̆ng, mă-lei gô jing tơmam pơchah rơ̆m rĕk.

Êsai 25:12

Kră Yang gô pơrăm lê̆ dur man kơjung kơjăp noh, hơlih đĭ tơ ala, bơlih tơhuŏng lê̆ tơ teh, lăm 'mui teh.

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Je 31:5

Lu iĕm gô pơtăm tơm hơmu tơ kông groi Samari, thoi sơ̆ lu iĕm pơtăm, gô phĕ sa plei.

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 4:1

Ô! Maih hiong boih rang sư, maih se tơplih boih. Tơmo tơ anih rơgoh pơchah đĭ tơ âu tơ to tơ rim mum trong pơlei tih!

Êsêkiên 13:14

Inh gô pơrăm dur mă lu iĕm bah chŭr, dur gô hơlih păk tơ teh, jơ̆ng sư prưk tơ 'nguaih mưh dur păk hơlih, lu iĕm gô lôch răm hơdai lăm noh; na lu iĕm gô băt Inh boih Kră Yang Tih Hloh.

Hôsia 13:16

Bơngai Samari gô pŭ tơdrong yoch, yua kơ lu sư iung blah Kră Yang 'Bok Kei-Dei sư. Lu sư gô pơ̆k lôch yua kơ đao gưm, lu kon hơ'lơ̆p sư đe gô teh pơlôch păng lu drŏ-kăn mă oei anăp đe gô roch klak.

Am 5:11

Yua kơ lu iĕm pơjuă lu bơngai dơnuh răm păng pơgŏ lu sư rai ăn 'ba mi, mă khan lu iĕm đei pơm boih lu hnam man păng tơmo iĕm kư̆m ưh kơ gơh oei ôh. Lu iĕm đei pơtăm boih pơgar hơmu đei plei 'ngam mă-lei kư̆m ưh kơ đei huch đak sik sư ôh.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Habakuk 3:13

Ih iung lĕch pơklaih kon pơlei Ih kơdih, Ih lĕch dŏng pơklaih bơngai mă Ih đei tuh đak rơmă. Ih teh pơrăm kơ̆l bơngai kơnê̆, pơrăm lê̆ hnam sư, Pơm kơ sư akâu hoh đơ̆ng jơ̆ng truh tơ kơ̆l. Sêla

Mathiơ 24:2

Na Yêsu khan kơ lu sư: “Iĕm 'bôh boih hnam akŭm âu 'lơ̆ng rŏ, Inh khan kơ iĕm tơpă, ning-mônh hnam âu gô pơchah reng 'beng ưh pă đei tơmo ayơ tơklep băl dơ̆ng. Đe gô teh pơchah đĭ.”