Mi 1:1 - Sơ̆p Hlabơar Nơ̆r 'Bok Kei-Dei

¹ Nơ̆r Kră Yang khan kơ Mika bơngai Môresêt lăm chăl Jôtham, Ahas păng Hesekia, lu pơtao dêh char Juđa, tơdrong mă lu sư 'bôh noh trŏ kơ pơlei Samari păng pơlei Jêrusalem.

Mi 1:1 Iomraidhean Croise

II Pot 15:32

Lăm sơnăm mă 'bar chăl Pêka, kon drŏ-nglo Rêmalia, pơtao đe Isơrael, na Jôtham kon drŏ-nglo Ussia, pơtao đe Juđa, tŏk pơm pơtao.

II Pot 15:5

Kră Yang phak pơtao Amasia, pơm kơ sư jĭ chin dĭng truh tơ năr sư lôch, kơplah sư oei arih, sư oei tơ ataih kơ kon pơlei pơm hnam hơdrô̆ sư. Jôtham, kon drŏ-nglo pơtao ei wei-lăng hnam pơtao sư păng wei-lăng kon pơlei dêh char sư.

II Pot 16:1

Lăm sơnăm mă mơjĭt-tơpơh, chăl Pêka, kon drŏ-nglo Rêmalia pơgơ̆r, na Ahas, kon drŏ-nglo Jôtham, tŏk pơm pơtao đe Juđa.

II Pot 18:1

Lăm sơnăm mă pêng, chăl Hôsêa, kon drŏ-nglo Êlah, pơtao Isơrael, na Hesekia kon drŏ-nglo Ahas pơtao đe Juđa tŏk pơm pơtao.

II Ho 28:1

Ahas sư 'nao 'bar-jĭt sơnăm 'bơ̆t sư pơm pơtao; sư pơgơ̆r mơjĭt-tơdrâu sơnăm lăm pơlei Jêrusalem, sư ưh kơ đei pơm 'lơ̆ng 'bơ̆t anăp Kră Yang thoi 'bok sư Đawit đei pơm;

II Ho 29:1

Hesekia 'nao lăp 'bar-jĭt pơđăm sơnăm kơplah sư pơm pơtao; sư pơgơ̆r oei lăm pơlei Jêrusalem 'bar-jĭt tơsĭn sơnăm; mĕ sư anăn Abija kon drŏ-kăn Sachari.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

Êsai 7:1

Lăm chăl Ahas kon Jôtham, sâu Usia pơtao char Juđa, đei Rêsin, pơtao dêh char Siri păng Pêka kon Rômalia pơtao Isơrael, tŏk blah pơlei Jêrusalem mă-lei ưh kơ kĕ.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Je 26:18

Mika pơlei Môrêsêt, bơngai khan lê̆ adrol lăm chăl Hesekia, pơtao đe Juđa, kư̆m đei khan lê̆ adrol hăm lu bơngai Juđa: ‘Kră Yang Tih Hloh khan: Siôn đe gô choh rơuơ thoi chŭn, Jêrusalem gô pơchah răm jing juơ, păng kông đe man hnam akŭm jing bri kơdrơ̆ng.’

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Hôsia 8:14

Lu bơngai Isơrael hiơt boih kơ Tơ'ngla pơjing lu sư, păng đei pơdơ̆ng lu hnam pơtao, Juđa kư̆m đei thim lơ pơlei tih đei dur kơjăp, mă-lei Inh gô ăn ŭnh truh sa tơ pơlei tih, păng ŭnh 'noh soh chhông sa lu kơđông kơjăp lu sư.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Am 6:1

Răm-'băm dêh kơ lu đe bu mă oei arih sa đei đe ư-ang lăm pơlei Siôn păng lu bơngai khan kơ sư oei hiôk-hian tơ kông Samari! Răm-'băm dêh kơ lu đe bu mă yŏng mơng chĕp kơ̆l lăm teh đak, mă mônh noh jơ̆ lu adrĕch Isơrael ning-mônh!

Mi 1:5

Đĭ-đăng tơdrong noh yua kơ đơ̆ng Jakôp pơm yoch păng yua kơ tơdrong yoch adrĕch bơngai Isơrael. Jakôp pơm tơdrong yoch glăi kiơ? Hăm trŏ kơ pơlei Samari? Lu anih kơjung Juđa noh kiơ? Hăm trŏ noh pơlei Jêrusalem?

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.

Habakuk 1:1

Nơ̆r mă Kră Yang 'Bok Kei-Dei tơ'bôh kơ Habakuk bơngai khan lê̆ adrol.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.