Mathiơ 9:5 - Sơ̆p Hlabơar Nơ̆r 'Bok Kei-Dei

⁵ Inh khan kơ bơngai hơwen hơwo âu tơdrong yoch sư Inh pơklaih đĭ boih, tơdrong 'noh dah iĕm 'bôh Inh athei sư iung yak, na sư iung yak hloi, 'noh iĕm kư̆m băt kơ Inh gơh pơklaih yoch sư mơ̆n. Yua kơ kiơ iĕm pơma mơmơnh khan Inh pơma blông?

Mathiơ 9:5 Iomraidhean Croise

Mathiơ 9:2

Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”

Mathiơ 9:6

Na dang ei Inh wă pơklaih jĭ sư, wă tơbăt ăn kơ iĕm băt kơ Inh Kon Bơngai gơh pơklaih tơdrong yoch kon bơngai ala teh âu.” Na Yêsu khan kơ bơngai hơwen hơwo ei thoi âu: “Iung bĕ, chĕp anhŭn ih brŏk tơ hnam.”

Markôs 2:5

Lăp Yêsu 'bôh lu sư đei đon lui thoi noh, na Sư khan kơ bơngai hơwen ei: “Ơ dăm, tơdrong yoch ih Inh pơklaih đĭ boih.”

Luka 5:20

Lăp Yêsu 'bôh lu sư đei đon lui thoi noh, na Sư khan kơ bơngai jĭ ei thoi âu: “Ơ ma, tơdrong yoch ih Inh pơklaih đĭ boih.”

Luka 7:48

Na Yêsu khan kơ bơngai drŏ-kăn ei dơ̆ng: “Tơdrong yoch ih Inh tŭk lê̆ boih.”

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Jang 9:34

Pêtrôs khan kơ Anêa: “Ơ Anêa, Yêsu Krist wă pơklaih ih dang ei, ih iung bĕ, chơ̆p hơmet buk ih.” Đơ̆ng noh Anêa sư iung hloi.