Mathiơ 9:27 - Sơ̆p Hlabơar Nơ̆r 'Bok Kei-Dei

²⁷ Yêsu lĕch đơ̆ng noh, kơplah oei rok trong đei 'bar 'nu bơngai măt tol năm kiơ̆ Sư. Na bre sư pơma 'bơ̆r re khan: “Ơ 'Bok Krist Kon Sâu pơtao Đawit, apinh Ih mơnat kơ nhi 'biơ̆ bĕ.”

Mathiơ 9:27 Iomraidhean Croise

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Mathiơ 11:5

Lu măt tol gơh 'bôh hơdah, lu jơ̆ng kue mah gơh yak, lu jĭ chin mah klaih, lu klĭk gơh kơtơ̆ng, lu bơngai lôch mah gơh iung arih, lu bơngai dơnuh hin mah mơ̆ng Inh bơtho tơdrong 'nao 'lơ̆ng.

Mathiơ 15:22

Đei minh 'nu drŏ-kăn bơngai Kanaan đơ̆ng tơring kiơ̆ ei năm tơ Yêsu apinh thoi âu: “Ơ 'Bok, Ih kon sâu Đawit mă 'Bok Kei-Dei wơh wă pơm pơtao kon bơngai. Dang ei inh apinh Ih mơnat kơ inh năm pơklaih kon adruh inh yang kơnê̆ mơ̆t, sư pơmat măng năr.”

Mathiơ 17:15

“Ơ 'Bok, apinh Ih mơnat 'biơ̆ kơ kon inh sư bơngai hơwing, yang kơnê̆ nŏng kơ glơ̆m sư, phŏ pơ̆k tơ ŭnh phŏ pơ̆k tơ đak pơmat-tat măng năr.

Mathiơ 20:29

Lăp lu đe Yêsu lĕch đơ̆ng Pơlei Jêrikô đei lơ bơngai kiơ̆ Sư.

Mathiơ 21:15

Lu 'bok soi tih, lu thây bơtho đe Juđê 'bôh tơdrong mơsêh Sư pơm noh păng kơtơ̆ng lu đe hơ'lơ̆p wang hô pơma ư-ang kơ Sư khan: “Hôsana, bơnê kơ 'Bok Krist Kon Sâu pơtao Đawit.” Lu sư 'bôh thoi noh, lu sư blĕk dêh.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Mathiơ 9:28

Lăp Yêsu mơ̆t tơ hnam, bre sư kư̆m mơ̆t kiơ̆ mơ̆n. Na Yêsu jet bre sư khan: “Biĕm hăm lui kơ Inh gơh pơklaih biĕm?” Bre sư khan: “Lui.”

Markôs 11:10

Bơnê kơ Yêsu truh tơ âu Sư wă pơgơ̆r thoi 'bok bơ̆n Đawit sơ̆, păng bơnê kơ 'Bok Kei-Dei kơpal plĕnh ti.”

Markôs 9:22

Yang kơnê̆ ngăl glơ̆m sư tơ ŭnh, phŏ lăm đak wă pơlôch sư. Na dang ei dah Ih gơh pơklaih, apinh Ih mơnat kơ nhôn, tơgŭm nhôn 'biơ̆.”

Luka 17:13

na lu sư krao 'bơ̆r re thoi âu: “Ơ 'Bok Thây ơi, Ih mơnat kơ nhôn 'biơ̆ bĕ.”

Luka 20:41

Yêsu jet lu đe ei khan: “Lơliơ lu 'bok thây bơtho tơdrong juăt đe Juđê khan 'Bok Krist mă 'Bok Kei-Dei wơh pơm Pơtao, Sư kon sâu pơtao Đawit đĕch?

Luka 7:21

Kơplah bre sư oei tơ noh, Yêsu pơklaih lơ bơngai jĭ jăn, thoi lĕ pơpuh yang kơnê̆, pơklaih măt tol gơh 'bôh.

Yo 7:42

yua kơ đei lăm sơ̆p hla bơar 'Bok Kei-Dei đe chih khan 'Bok Krist lĕch đơ̆ng krung kơtum 'bok Đawit, đơ̆ng pơlei 'bok Đawit mơ̆n. Pơlei ei anăn Pơlei Betlehem lăm dêh char Juđê.”

Rom 1:3

Tơdrong 'nao 'lơ̆ng noh roi gah Kon Sư Yêsu Krist mă pơm Yŏng bơ̆n. Yêsu Krist jur jing kon bơngai Sư lĕch đơ̆ng adrĕch pơtao Đawit sơ̆.

Rom 9:5

Lu yă 'bok lu sư sơ̆ lui kơ 'Bok Kei-Dei hơdrol kơ đĭ-đăng lu bơngai nai. Na 'Bok Krist mă 'Bok Kei-Dei wơh dŏng pơklaih kon bơngai Sư kư̆m bơngai Isơrael mơ̆n tơ̆ng kiơ̆ kơ mĕ Sư tơpŭ. 'Bok Krist boih Yang tih hloh gơh pơgơ̆r tôm tơdrong, trŏ kơ kon bơngai ư-ang kơ Sư ling-lang tơpă. A-men.