Mathiơ 9:24 - Sơ̆p Hlabơar Nơ̆r 'Bok Kei-Dei

²⁴ Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Mathiơ 9:24 Iomraidhean Croise

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

Êsai 49:7

Kră Yang, Tơ'ngla dŏng pơklaih, Kră Yang 'Lơ̆ng Rơgoh Isơrael khan kơ bơngai mă kon bơngai pơjăm mă teh đak areh, hăm bơngai pơm đĭch kơ lu bơngai yŏng pơgơ̆r thoi âu: Lu pơtao gô 'bôh ih na iung; lu kon pơtao gô hơtơ̆p kŭl-tăng kơkuh. Yua kơ Kră Yang jơ̆ Tơ'ngla tơpăt, Tơ'ngla Rơgoh 'Lơ̆ng Isơrael, jơ̆ Tơ'ngla rơih iŏk ih.

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Markôs 5:40

Na đe ei hiĕk kơ Sư. Sư pơpuh lu bơngai oei lăm ei lĕch đĭ tơ 'ngoaih na anhăk mĕ 'bă adruh mă lôch noh păng pêng 'nu bơngai mă kiơ̆ Sư hei, mơ̆t tơ anih đe tơ'bĭch adruh mă lôch noh.

Luka 8:53

Na đe ei pơm hiĕk kơ Sư yua kơ lu sư băt nhên kơ bơngai noh lôch tơpă boih.

Yo 11:4

Yêsu kơtơ̆ng thoi noh na khan: “Tơdrong jĭ sư 'noh huay kơ lôch ôh. Tơdrong jĭ 'noh wă kơ đe ư-ang kơ 'Bok Kei-Dei păng ư-ang kơ Kon Sư mơ̆n.”

Jang 20:10

Mă Pôl kư̆m hơdai wang jur đơ̆ng hnam ei thar năm tơ bơngai tơdăm ei, brom 'bơ̆t klak sư hăm krôp sư, khan hloi kơ lu bơngai lui: “Iĕm 'nĕ kơ hli, Kră Yang 'Bok Kei-Dei ăn kơ sư arih dơ̆ng.”

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.