Mathiơ 9:23 - Sơ̆p Hlabơar Nơ̆r 'Bok Kei-Dei

²³ Lăp Yêsu truh tơ hnam kră wei-lăng hnam akŭm, Sư mơ̆t tơ hnam 'bôh bơngai hlôm tơgiĕp, bơngai nhơ̆m hmoi tơjrông tơjrang mang.

Mathiơ 9:23 Iomraidhean Croise

II Ho 35:25

Jêrêmi pơm 'bai hơri nhơ̆m hmoi kơ Jôsia; kư̆m đei lu bơngai drŏ-nglo, drŏ-kăn oei hơri pôk kơ pơtao Jôsia dĭng truh dang ei; tơdrong hơri nhơ̆m hmoi jing juăt tơ lăm lu bơngai Isơrael; 'nâu tơdrong hơri noh đe chih răk tơ lăm sơ̆p hla bơar nhơ̆m hmoi.

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Êsêkiên 24:17

Hmoi bĕ, mă-lei 'nĕ kơ ôr re, 'nĕ pă hmoi ơh kơ bơngai lôch; chô̆ bĕ che tơ kơ̆l, 'bot bĕ chơkhŏ ih. 'Nĕ kơ gom 'bơ̆r ih păng 'nĕ sa 'bĕng đơ̆ng lu bơngai năm hơpong pơlung.”

Mathiơ 11:17

‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

Luka 7:32

Lu sư dang lĕ hơ'lơ̆p pơchơt ngôi tơ kơchơ, lu sư đei 'bar khŭl. Minh khŭl pơma 'bơ̆r re kơ bôl sư khan: ‘Nhôn hlôm tơgiĕp wă kơ tơdrong chơt, mă-lei iĕm kuă kơ suang pơrŏ. Nhôn hơri tơdrong đe lôch, mă-lei iĕm kuă kơ nhơ̆m hmoi.’

Jang 20:10

Mă Pôl kư̆m hơdai wang jur đơ̆ng hnam ei thar năm tơ bơngai tơdăm ei, brom 'bơ̆t klak sư hăm krôp sư, khan hloi kơ lu bơngai lui: “Iĕm 'nĕ kơ hli, Kră Yang 'Bok Kei-Dei ăn kơ sư arih dơ̆ng.”

Jang 9:39

Na Pêtrôs năm kiơ̆ hloi bre sư tơ Pơlei Japa. Lăp sư truh tơ hnam boih, đe năm ba sư tŏk lăng tơ hnam kơpal ei. Lu yă adro tơ'bôh kơ Pêtrôs ao yă Đêka đêl sĭt boih, wă kơ Pêtrôs băt kơ yă Đêka sư oei arih sư gơh tơgŭm đe. Lu yă adro hơdai nhơ̆m hmoi ơh mơ̆n.

Tơdrông Tơ'bôh 18:22

Tơ tŏk-bŏk e pă layơ kơtơ̆ng tơdrong đe reh brŏ, kơtơ̆ng đe hơri suang, kơtơ̆ng đe hlôm tơgiĕp, hlôm keng; păng tôm kơ lu bơngai thơ̆, lu bơngai peh 'ba pă 'bôh boih.