Mathiơ 9:22 - Sơ̆p Hlabơar Nơ̆r 'Bok Kei-Dei

²² Yêsu hue tơ rŏng 'bôh duch ei păng khan: “Ơ duch, ih 'nĕ kơ hli, kơlih kơ ih lui na ih klaih.” Drŏ-kăn noh klaih hloi 'bơ̆t anăp Sư.

Mathiơ 9:22 Iomraidhean Croise

Mathiơ 15:28

Sư pơma trŏ thoi noh, na Yêsu khan: “Ơ yă, ih lui kơjăp tơpă. Tơdrong ih apinh noh gô đei kơ ih.” Kơplah noh kon adruh sư klaih hloi.

Mathiơ 17:18

Đơ̆ng noh na Yêsu pơpuh yang kơnê̆ lĕch đơ̆ng akâu bơngai 'lơ̆p noh. Yang kơnê̆ lĕch jăk hloi ưh pă pơm kơ bơngai 'lơ̆p noh pơ̆k dơ̆ng.

Mathiơ 8:13

Yêsu khan dơ̆ng kơ 'bok tih linh: “Brŏk mă 'lơ̆ng, đĭch ih klaih boih yua kơ ih lui.” Đĭch sư klaih hloi đơ̆ng jơ 'noh tơpă.

Mathiơ 9:2

Tơ noh đe tung ba minh 'nu bơngai hơwen hơwo kơpal anhŭn anhăk tơ Yêsu. Yêsu 'bôh tơdrong lui đe noh 'lơ̆ng tơpă na Sư khan kơ bơngai hơwen hơwo ei thoi âu: “Ơ dăm, hiôk bĕ ih, yua kơ tơdrong yoch ih Inh pơklaih đĭ boih.”

Mathiơ 9:29

Na Yêsu pel măt bre sư păng khan: “Yua kơ biĕm lui na klaih.”

Markôs 10:52

Yêsu khan kơ sư dơ̆ng: “Yak kơ ih bĕ, yua kơ ih lui na măt ih klaih.” 'Bơ̆t ei măt sư 'bôh hơdah na sư kiơ̆ hloi Yêsu.

Markôs 5:34

Na Yêsu khan kơ sư: “Ơ duch, kơlih kơ ih lui na ih klaih, na dang ei brŏk kơ ih mă 'lơ̆ng bĕ. Ih klaih đĭ boih, ưh pă đei jĭ dơ̆ng.”

Luka 17:19

Klaih kơ noh Yêsu khan kơ sư: “Iung brŏk kơ ih bĕ. Tơdrong jĭ ih, yua kơ ih lui, na klaih.”

Luka 18:42

Na Yêsu khan kơ sư: “Dang ei măt ih 'bôh hơdah. Yua kơ ih lui na măt ih klaih.”

Luka 7:50

Na Yêsu khan kơ bơngai drŏ-kăn ei dơ̆ng: “Yua kơ ih lui na ih klaih. Yak kơ ih mă 'lơ̆ng bĕ.”

Luka 8:48

Na Yêsu khan kơ sư: “Ơ duch, kơlih kơ ih lui na ih klaih. Na dang ei brŏk kơ ih mă 'lơ̆ng bĕ.”

Yo 4:53

'Bok kuan ei băt hloi kơplah mônh jơ 'năr glơh brei 'blep hloi kơ jơ Yêsu khan kơ sư, khan kon sư huay kơ lôch. Thoi noh na 'bok kuan ei lui hloi kơ Yêsu păng đĭ-đăng hnam dơnŏ sư kư̆m lui mơ̆n.

Jang 14:9

Bơngai jo ei mơ̆ng Pôl bơtho Tơdrong 'Nao 'Lơ̆ng, Pôl lăng muh măt sư, băt kơ sư wă lui kơ 'Bok Kei-Dei, na gơh klaih kơ jĭ.

Jang 16:18

Adruh ei kiơ̆ nhôn rim năr khŏm khŏm, truh tơ Pôl sư pă kĕ ĕnh boih. Na Pôl hue lăng adruh ei păng khan kơ yang kơnê̆: “Inh yua anăn Yêsu Krist, inh athei e lĕch đơ̆ng bơngai adruh âu.” Na yang kơnê̆ ei lĕch hloi.

Hêbrơ 4:2

Yua kơ bơ̆n kơtơ̆ng boih đe bơtho tơdrong 'nao 'lơ̆ng, thoi lu bơngai noh kơtơ̆ng sơ̆, mă ưh kơ yua kiơ kơ lu bơngai noh, kơlih kơ lu sư ưh kơ wă lui.