Mathiơ 9:18 - Sơ̆p Hlabơar Nơ̆r 'Bok Kei-Dei

¹⁸ Kơplah Yêsu oei pơma tơdrong 'noh, na blư 'bôh minh 'nu kră wei-lăng hnam akŭm đe Juđê sơtơ̆p kŭl-tăng kơkuh păng khan: “Kon adruh inh 'nao lôch, inh apinh Ih năm chro ti pel akâu sư wă kơ sư iung arih dơ̆ng.”

Mathiơ 9:18 Iomraidhean Croise

II Pot 5:11

Mă-lei Naaman hil, sư năm rah jŏk rah: “Inh tơchĕng hli kơ akâu sư kơdih hloi năm sơng inh, dơ̆ng 'bơ̆t ei krao apinh Kră Yang 'Bok Kei-Dei, iŏk ti sư pel hloi 'bơ̆t rơka jĭ chin, hơli 'ma 'ngiĕo, pơklaih jĭ chin inh.

Mathiơ 14:33

Lu bơngai pơhrăm păng Sư oei lăm thŏng-nan sơtơ̆p kŭl-tăng kơkuh kơ Sư păng khan: “Ih Kon 'Bok Kei-Dei tơpă.”

Mathiơ 15:25

Na bơngai drŏ-kăn ei kơkuh 'nap 'bơ̆t anăp Sư păng khan: “Ơ 'Bok, apinh Ih mơnat tơgŭm inh 'biơ̆ bĕ.”

Mathiơ 17:14

Yêsu păng pêng 'nu bơngai pơhrăm păng Sư noh brŏk tơ lu bơngai tơpôl. Tơ ei đei minh 'nu bơngai năm sơtơ̆p kŭl-tăng 'bơ̆t anăp Sư păng khan:

Mathiơ 20:20

Hơtai ei akăn Sêbêđê năm tơ Yêsu yak hơdai kon sư bre Yakơ hăm Yôhan. Na sư sơtơ̆p kŭl-tăng kơkuh kơ Yêsu apinh Yêsu tơgŭm sư.

Mathiơ 28:17

Lăp lu sư 'bôh Yêsu boih, lu sư kơkuh bơnê kơ Yêsu. Mă-lei đei lu mơ'nah ưh tam gan lui kơ to 'noh Yêsu.

Mathiơ 8:2

Kơplah noh đei minh 'nu bơngai jĭ chin năm jê̆ Sư sơtơ̆p kŭl-tăng păng khan: “Ơ 'Bok, dah Ih wă, Ih gơh pơklaih inh.”

Mathiơ 8:25

Na lu đe ei năm râu Yêsu khan: “Ơ 'Bok, dŏng bơ̆n bĕ, bơ̆n wă lôch kơ đak lơ̆p.”

Mathiơ 9:17

Kư̆m thoi noh mơ̆n kơbĭ bu 'maih tring sik 'nao 'băt kơtang mong tơ kơdŭng akar so. Tơ̆ng bu tring sik 'nao 'băt kơtang noh tơ kơdŭng akar so pă jor gô pơchah. Đak sik gô lĕch hiong, kơdŭng gô pơchah răm. Tơ̆ng bu wă tring, sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.”

Mathiơ 9:19

Yêsu iung kiơ̆ hloi sư, lu bơngai pơhrăm kư̆m kiơ̆ Sư mơ̆n.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Luka 13:14

Kră wei-lăng hnam akŭm ei 'bôh thoi noh na sư hil dêh yua kơ Yêsu pơklaih đe lăm năr pơdơh Sa'bat wă khan năr giĕng. Na 'bok ei khan kơ lu kon pơlei pơla mă oei akŭm 'bơ̆t ei thoi âu: “Lăm minh 'măng giĕng đei tơdrâu năr bơ̆n gơh jang, iĕm athei năm tơ âu ming akâu iĕm lăm tơdrâu năr ei đĕch. Iĕm ưh kơ gơh ming akâu iĕm lăm năr pơdơh Sa'bat ôh.”

Luka 18:18

Đei minh 'nu kră tơring năm jet Yêsu: “Ơ 'Bok Thây, Ih 'lơ̆ng tơpăt, inh pơm thoi yơ wă kơ arih ling-lang hăm 'Bok Kei-Dei?”

Luka 7:2

Tơ pơlei ei đei minh 'nu 'bok tih linh, sư bơngai Rôm, đei minh 'nu đĭch sư kơeng bơlŏ wă lôch dĕng dĕng.

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 11:32

Mari năm truh tơ anih Yêsu na 'bôh hloi Sư. Mari bon hloi 'bơ̆t anăp Sư kơkuh kơ Sư păng khan: “Ơ 'Bok, dah Ih tơ âu ki lei 'nhŏng inh huay kơ lôch ôh.”

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 28:8

'Bă Publiu ei oei păn kơ bơlŏ păng chroh hăk. Pôl mơ̆t tơ lăm anih sư păng krao khan kơ Kră Yang 'Bok Kei-Dei, na pel akâu sư păng pơklaih jĭ sư ei.