Mathiơ 9:15 - Sơ̆p Hlabơar Nơ̆r 'Bok Kei-Dei

¹⁵ Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh chhôk ngă 'nă hal dêh, lu sư ưh kơ đei bu ơh sơ'ngon ơ̆t kơ por ôh. Pôm ning-mônh đĕch đe wă rôp anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ por.

Mathiơ 9:15 Iomraidhean Croise

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Mathiơ 9:14

Kơplah noh lu bơngai pơhrăm păng Yôhan mă pơm 'batem, lu sư năm jet Yêsu thoi âu: “Yua kơ kiơ nhôn hăm lu bơngai Pharisi ơ̆t kơ por wă kơkuh kơ 'Bok Kei-Dei, mă lu bơngai pơhrăm păng Ih ưh kơ ơ̆t?”

Mathiơ 9:16

Yêsu pơma pơtih gia dơ̆ng gah tơdrong đêl lu sư jet noh hei thoi âu: “Kơbĭ bu 'maih klĕp che 'nao tam mă tơtrŭt tơ che ao so. Tơ̆ng bu klĕp, ưh kơ jor che 'nao gô hek che ao so să hloh kơ noh dơ̆ng.

Markôs 2:19

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh, lu sư ưh kơ đei bu ơh sơ'ngon ơ̆t kơ sŏng sa ôh.

Markôs 2:20

Pôm ning-mônh đĕch lăp đe anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ sŏng sa.

Luka 17:22

Klaih kơ noh Yêsu khan kơ lu bơngai pơhrăm păng Sư: “Ning-mônh iĕm chang gô Inh Kon Bơngai jur dơ̆ng păng khan: ‘Ô kuă kơ kiơ Yêsu jah jur dang ei lah?’ Mă-lei kơplah ei kơnh iĕm tam mă 'bôh Inh jur ôh.

Luka 5:34

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh, lu sư ưh kơ đei bu ơh sơ'ngon ơ̆t kơ por ôh.

Luka 5:35

Pôm ning-mônh đĕch, lăp đe rôp anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ por.”

Yo 16:6

Iĕm sơ'ngon 'biơ̆ kơlih kơ Inh roi kơ iĕm gô đei tơdrong anat anot truh tơ iĕm.

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

Jang 14:23

Tơ rim pơlei bre sư kư̆m rơih ăn kơ lu sư wă kơ đei lu kră wei-lăng bơngai lui. Na bre sư ơ̆t kơ por krao khan, na bre sư krao khan apinh Kră Yang tơgŭm đĭ-đăng lu bơngai kră ei yua kơ lu sư lui kơ Kră Yang.

I Kor 7:5

Ưh kơ gơh sơ-ih băl ôh, mă-lei dah klo akăn biĕm pôm đon wă krao khan kơ Kră Yang tơdrong kiơ kiơ na biĕm wă pơdơh kơ tơdrong tơngôi noh, kư̆m bưh mơ̆n. Mă-lei tôch kơ năr biĕm pơkă krao khan noh boih, na biĕm tơngôi băl thoi đêl dơ̆ng, hli kơnh yang Satan pơhlŭ biĕm ngôi pơyô kư̆ kă yua kơ iĕm ưh kơ kĕ gơ̆t.

II Kor 11:27

Inh jang gleh đei lơ tơdrong truh pơmat-tat. Phŏ kral kơmăng pă tep, phŏ pơngot hang klak rơhing kơ đak ưh kơ đei, năr jơ̆l kơ tơmam sa ưh kơ đei kư̆m đei, tơngiĕt tơngiot oei akâu hoh kư̆m đei.

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”

Tơdrông Tơ'bôh 21:2

Na inh 'bôh Pơlei Jêrusalem 'nao mă đe anăn Pơlei 'Lơ̆ng 'Bok Kei-Dei jur đơ̆ng plĕnh; pơlei Sư 'nao pơm 'lơ̆ng rŏ dêh dang kơ adruh 'nao đah pơhrôp hơbĕn ao 'lơ̆ng wă tơoei băl.