Mathiơ 8:34 - Sơ̆p Hlabơar Nơ̆r 'Bok Kei-Dei

³⁴ Đĭ-đăng kon pơlei pơla năm tơkan tơ Yêsu apinh Sư weh đơ̆ng tơring lu sư.

Mathiơ 8:34 Iomraidhean Croise

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 18:17

Lăp Ahap 'bôh Êli na sư khan kơ Êli. “Ih hă pơrŭng lu bơngai Isơrael?”

Jop 21:14

Lu sư pơma hăm Kră Yang 'Bok Kei-Dei khan: “Weh ataih kơ lu nhôn, lu nhôn ưh kơ wă băt trong gơlong Ih.

Jop 22:17

Lu sư khan kơ Kră Yang 'Bok Kei-Dei khan: “Ih athei weh ataih đơ̆ng lu nhôn bĕ; Kră Yang Tih Hloh gơh pơm kiơ kơ lu nhôn?”

Am 7:12

Amsia khan kơ Amôs: Ơ bơngai khan lê̆ adrol, weh bĕ đơ̆ng âu, năm tơ lăm teh đak Juđa, arih sa păng khan lê̆ adrol tơ noh.

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 8:28

Lăp sư 'bôh Yêsu, sư ôr na năm 'nap 'bơ̆t anăp Yêsu na Yêsu athei yang kơnê̆ lĕch đơ̆ng akâu sư. Yang kơnê̆ ei pơma pơret khan: “Ơ Yêsu, Kon 'Bok Kei-Dei Kră Yang Tih Hloh, lơliơ Ih wă phak inh dang ei, apinh Ih 'nĕ phak inh hŏ.” Đơ̆ng sơ̆ yang kơnê̆ juăt kơ pơm kơ sư wik. Đe chô̆ ră jơ̆ng ti sư păng glang mam, gak sư ră mă-lei sư hrĕch kơtĕch kơtoch đĭ, na yang kơnê̆ pơpuh sư năm tơ char glă chơngue.

Jang 16:39

Na lu kră pơlei năm tơ bre Pôl păng Silas na lu sư khan: “Nhôn apinh biĕm 'nĕ jô̆ yo. Na dang ei lu nhôn tơlĕch biĕm đơ̆ng hnam phak boih na nhôn apinh biĕm jăk đơ̆ng pơlei âu.”

Both 5:25

Mă-lei dang ei, yua kơ kiơ lu nhôn athei lôch? Ŭnh tih âu gô sa lu nhôn, tơdah lu nhôn oei kơtơ̆ng nơ̆r đơ̆ng Kră Yang 'Bok Kei-Dei lu nhôn, noh lu nhôn gô lôch tơpă.

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?