Mathiơ 8:17 - Sơ̆p Hlabơar Nơ̆r 'Bok Kei-Dei

¹⁷ Yêsu pơm thoi noh wă kơ 'blep trŏ thoi Êsai khan lê̆ hơdrol sơ̆ thoi âu: “Sư pơklaih tôm tơdrong jĭ jăn kon bơngai bơ̆n.”

Mathiơ 8:17 Iomraidhean Croise

Bl 22:6

Abraham chĕp 'long ŭnh wă 'buh tơmam soi, pơpôi ăn kơ Isăk kon sư, gah sư chĕp ŭnh păng săng, na bre sư yak năm.

Êsai 53:4

Sĭt tơpă, sư bơih pŭ tơdrong jĭ jăn kơ lu bơ̆n, sư pŭ hơnong iŏk tơdrong ơh sơ'ngon lu bơ̆n, mă lu bơ̆n lăng ngeh khan đơ̆ng Kră Yang 'Bok Kei-Dei teh pơjĭ, păng pơmat Sư.

Mathiơ 1:22

Dôm tơdrong 'noh 'blep trŏ thoi 'Bok Kei-Dei ăn kơ minh 'nu bơngai khan lê̆ hơdrol sơ̆ thoi âu:

Mathiơ 2:15

Lu sư oei tơ dêh Êyiptơ truh tơ pơtao Hêrôt lôch. Lu sư pơm thoi noh 'blep thoi Kră Yang 'Bok Kei-Dei ăn kơ bơngai pơtruh nơ̆r Sư khan lê̆ hơdrol sơ̆ thoi âu: “Inh krao Kon Inh brŏk đơ̆ng dêh Êyiptơ.”

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Markôs 1:32

Lăp 'năr mơ̆t adrơ̆m kơsơ̆ ei đe năm ba tơ sư dôm lu bơngai jĭ jăn păng lu bơngai yang mơ̆t.

Luka 4:40

Lăp 'năr mơ̆t adrơ̆m kơsơ̆ ei, dôm lu bơngai jĭ jăn, bôl buăl sư anhăk ba tơ Yêsu. Na Sư pel hloi kơ̆l lu đe ei păng đĭ kơ lu sư klaih hloi kơtă ei.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.