Mathiơ 8:13 - Sơ̆p Hlabơar Nơ̆r 'Bok Kei-Dei

¹³ Yêsu khan dơ̆ng kơ 'bok tih linh: “Brŏk mă 'lơ̆ng, đĭch ih klaih boih yua kơ ih lui.” Đĭch sư klaih hloi đơ̆ng jơ 'noh tơpă.

Mathiơ 8:13 Iomraidhean Croise

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Mathiơ 15:28

Sư pơma trŏ thoi noh, na Yêsu khan: “Ơ yă, ih lui kơjăp tơpă. Tơdrong ih apinh noh gô đei kơ ih.” Kơplah noh kon adruh sư klaih hloi.

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Mathiơ 8:4

Yêsu khan: “Ih 'nĕ chă roi kơ đe. Dang ei ih klaih boih na ih năm tơ'bôh akâu ih kơ 'bok soi păng ih soi sơmah kơ 'Bok Kei-Dei kiơ̆ thoi Môis pơkă sơ̆ wă kơ đe băt tơdrong jĭ ih klaih tơpă boih.”

Mathiơ 9:22

Yêsu hue tơ rŏng 'bôh duch ei păng khan: “Ơ duch, ih 'nĕ kơ hli, kơlih kơ ih lui na ih klaih.” Drŏ-kăn noh klaih hloi 'bơ̆t anăp Sư.

Markôs 7:29

Na Yêsu khan kơ sư: “Ơ yă, yua kơ ih pơma trŏ thoi noh, na dang ei brŏk kơ ih bĕ. Yang kơnê̆ lĕch đĭ đơ̆ng akâu kon ih boih.”

Markôs 9:23

Yêsu khan kơ sư: “Dah ih đei đon lui, lei kon ih gô klaih. Bơngai bu đei đon lui, bơngai 'noh sư gơh pơm tôm tơdrong.”

Yo 4:50

Yêsu khan kơ 'bok ei: “Brŏk kơ ih bĕ, kon ih huay kơ lôch ôh. Na 'bok ei lui kơ nơ̆r Yêsu pơma. Na 'bok kuan ei brŏk hloi.”