Mathiơ 8:1 - Sơ̆p Hlabơar Nơ̆r 'Bok Kei-Dei

¹ Lăp Yêsu jur đơ̆ng kông lu bơngai tơpôl lơ noh kư̆m jur kiơ̆ Sư mơ̆n.

Mathiơ 8:1 Iomraidhean Croise

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 15:30

Mă-lei kư̆m đei lơ bơngai năm chă Sư anhăk lu bơngai kue jo, mơ'nah măt tol, mơ'nah kơmlo, lơlap lơlang bơngai jĭ jăn nai. Lu sư tơ'bĭch pơdă 'bơ̆t anăp Yêsu, na Yêsu tơgŭm pơklaih đĭ dôm lu bơngai jĭ jăn noh.

Mathiơ 19:2

Tơ noh đei lơ bơngai kiơ̆ Sư, na Sư chă pơklaih lu bơngai jĭ jăn.

Mathiơ 20:29

Lăp lu đe Yêsu lĕch đơ̆ng Pơlei Jêrikô đei lơ bơngai kiơ̆ Sư.

Mathiơ 4:25

Na lơ bơngai tơpă kiơ̆ Sư, đơ̆ng dêh Galilê, mơ'nah đơ̆ng tơring Đêkapôlis, mơ'nah đơ̆ng Pơlei Jêrusalem, mơ'nah đơ̆ng dêh Juđê, mơ'nah đơ̆ng pah to krong Jôrđăn.

Mathiơ 7:29

yua kơ Sư bơtho hơgei thoi lĕ Sư băt kơdih, ưh kơ thoi lu thây bơtho tơdrong juăt đe Juđê chă bơtho đe.

Mathiơ 8:18

Yêsu 'bôh lơ bơngai tăp dăr kơ Sư, na Sư pơtơm lu bơngai pơhrăm păng Sư găn tŏk pah to đak.

Mathiơ 8:2

Kơplah noh đei minh 'nu bơngai jĭ chin năm jê̆ Sư sơtơ̆p kŭl-tăng păng khan: “Ơ 'Bok, dah Ih wă, Ih gơh pơklaih inh.”

Markôs 3:7

Yêsu păng lu bơngai pơhrăm păng Sư năm tơ đak dơsĭ. Đei lơ bơngai tơpă kiơ̆ Sư tơ ei mơ̆n yua kơ đe kơtơ̆ng ang tôm tơdrong Yêsu pơm, na đe năm tơ Sư. Lu bơngai năm tơ Sư ei mơ'nah đơ̆ng dêh Galilê, mơ'nah đơ̆ng dêh Juđê, mơ'nah đơ̆ng Pơlei Jêrusalem, mơ'nah đơ̆ng dêh Idumia, mơ'nah đơ̆ng dêh pah to krong Jôrđăn; kư̆m đei mơ'nah đơ̆ng tơring Tirơ păng đơ̆ng tơring Siđôn.

Luka 5:15

Yêsu kuă ăn kơ đe băt tơdrong Sư pơklaih bơngai noh hei ră, mă-lei đe kơtơ̆ng ang tơdrong noh jơ̆p-jang hloi. Na đei lơ bơngai năm wă mơ̆ng Sư bơtho păng wă kơ Yêsu pơklaih jĭ jăn lu sư mơ̆n.