Mathiơ 7:29 - Sơ̆p Hlabơar Nơ̆r 'Bok Kei-Dei

²⁹ yua kơ Sư bơtho hơgei thoi lĕ Sư băt kơdih, ưh kơ thoi lu thây bơtho tơdrong juăt đe Juđê chă bơtho đe.

Mathiơ 7:29 Iomraidhean Croise

Bôk Bơthô 8:4

Mă loi, nơ̆r pơtao pơma đei tơdrong gơh kĕ; hăm đei bu pơ̆n pơma plơ̆ kơ sư khan: Ih pơm kiơ?

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 5:20

Lu thây bơtho tơdrong juăt đe Juđê păng lu bơngai Juđê mă lui kơ 'Bok Kei-Dei kiơ̆ kơ tơdrong Pharisi, lu sư ưh kơ kiơ̆ tơdrong juăt tơpă ôh. Na Inh khan kơ iĕm tơpă, dah iĕm ưh kơ adrin kiơ̆ tơdrong juăt hloh kơ lu đe noh, lei iĕm ưh kơ gơh mơ̆t tơ dêh char 'Bok Kei-Dei ôh.

Mathiơ 5:28

Na Inh bơtho iĕm dang ei thoi âu: Bơngai bu 'bôh drŏ-kăn, rŏ kơ ngôi hăm sư, bơngai 'noh yoch boih, bơngai 'noh dang lĕ pơm kư̆ kă hăm drŏ-kăn boih.

Mathiơ 5:32

Na Inh bơtho iĕm dang ei thoi âu: Akăn sư ưh kơ đei pơm yoch kơ sư, mă-lei klo sư achăng tŭk, na akăn sư jing iŏk klo plơ̆ng, na klo kăn mă đơ̆ng rŏng noh kư̆m dang pơm yoch mơ̆n, yua kơ klo sư hơdrol achăng ưh kơ trŏ kơ tơdrong achăng, na 'Bok Kei-Dei oei jô̆ bre sư klo kăn so đĕch. Mă-lei tơdrong yoch lu sư noh, klo sư mă hơdrol pơm kơ lu sư jing yoch đĭ-đăng.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Mathiơ 7:28

Hlôi Yêsu bơtho đang boih, na lu bơngai tơpôl ei mah chrêu kơ đon tơdrong Sư bơtho noh,

Mathiơ 8:1

Lăp Yêsu jur đơ̆ng kông lu bơngai tơpôl lơ noh kư̆m jur kiơ̆ Sư mơ̆n.

Luka 20:8

Na Yêsu khan kơ lu sư: “Lei Inh kư̆m ưh kơ roi ăn kơ iĕm bu ăn kơ Inh pơpuh đe păng bơtho đe tơ lăm hnam akŭm âu mơ̆n.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Jang 6:10

Lu sư klai yua kơ jei Êtien ngăl. Yua kơ Yang Bơhngol 'Lơ̆ng tơgŭm Êtien pơma hơgei, dôm nơ̆r lu sư pơma jei Êtien ngăl.