Mathiơ 7:28 - Sơ̆p Hlabơar Nơ̆r 'Bok Kei-Dei

²⁸ Hlôi Yêsu bơtho đang boih, na lu bơngai tơpôl ei mah chrêu kơ đon tơdrong Sư bơtho noh,

Mathiơ 7:28 Iomraidhean Croise

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Mathiơ 11:1

Yêsu bơtho khan kơ mơjĭt-'bar 'nu bơngai pơhrăm păng Sư đang boih, na Yêsu năm chă bơtho kon pơlei pơla tơring ei.

Mathiơ 19:1

Yêsu pơma tơdrong noh đang boih, na Sư năm đơ̆ng dêh Galilê tơ dêh Juđê pah to krong Jôrđăn.

Mathiơ 22:33

Lu kon pơlei pơla kơtơ̆ng Yêsu bơtho thoi noh, na lu sư băt kơ Yêsu bơtho hơgei tơpă.

Mathiơ 26:1

Yêsu bơtho dôm tơdrong 'noh hei đang boih, na Sư khan kơ lu bơngai pơhrăm păng Sư thoi âu:

Mathiơ 7:27

Na mưh truh bơyan 'mi tih, đak lơ̆p, kial hơbŭt, hnam 'noh hơlŭng păk pơchah hoch đĭ.”

Mathiơ 7:29

yua kơ Sư bơtho hơgei thoi lĕ Sư băt kơdih, ưh kơ thoi lu thây bơtho tơdrong juăt đe Juđê chă bơtho đe.

Markôs 1:22

Đe mơ̆ng chrêu kơ đon, yua kơ dôm nơ̆r Sư bơtho gơh hơgei tơpă, ưh kơ thoi lu thây bơtho tơdrong juăt lu đe Juđê chă bơtho đe.

Markôs 11:18

Lu 'bok soi tih păng lu 'bok thây bơtho tơdrong juăt đe Juđê kơtơ̆ng tơdrong 'noh, na lu sư chă tơdrong wă rôp pơlôch Sư. Lu sư hli kơ Yêsu kơlih kơ đĭ-đăng bơngai 'maih mơ̆ng tơdrong Sư bơtho, yua kơ lu sư mơ̆ng hlĭch tơpă.

Markôs 6:2

Lăm năr pơdơh Sa'bat Sư bơtho đe tơ hnam akŭm 'Bok Kei-Dei. Đei lơ bơngai năm mơ̆ng. Lu sư mơ̆ng hlĭch kơ đon păng khan: “Sư gơh dôm tơdrong âu đơ̆ng yơ kih? Lơliơ Sư băt tôm dôm tơdrong âu păng Sư gơh pơm tơdrong mơsêh?

Luka 19:48

Mă-lei lu sư ưh kơ gơh rôp thoi yơ, yua kơ lu sư hli kơ kon bơngai 'bĕnh-'bang hưch hanh wă mơ̆ng Sư bơtho tơpă.

Luka 2:47

Na đĭ-đăng lu bơngai oei 'bơ̆t ei mơ̆ng Yêsu sơleng kơ đon yua kơ Yêsu tơl lu sư hơgei tơpă.

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Luka 4:32

Lu đe ei mơ̆ng mah chrêu kơ đon yua kơ dôm nơ̆r Sư bơtho gơh hơgei tơpă.

Luka 7:1

Yêsu bơtho kơ lu kon pơlei pơla đang boih, na Sư năm dơ̆ng tơ Pơlei Kapernum.

Yo 7:15

Lu bơngai Juđê sơleng kơ đon yua kơ Yêsu bơtho hơgei tơpă. Lu sư pơma dih băl khan: “Lơliơ 'Bok âu ưh kơ đei chă pơhrăm tơ hnam trưng mă-lei Sư hơgei tôm tơdrong?”

Yo 7:46

Lu linh sư khan: “Đơ̆ng sơ̆ tam lah đei bơngai bơtho hơgei dang Sư.”