Mathiơ 6:34 - Sơ̆p Hlabơar Nơ̆r 'Bok Kei-Dei

³⁴ Thoi noh na đơ̆ng âu tơ anăp, iĕm 'nĕ pă tơchĕng minh tơdrong kiơ kiơ. Năr dơning măk ai kơ năr dơning, năr âu măk ai kơ năr âu, yua kơ tơdrong kơ'bah bơ̆n rim năr đĕch.

Mathiơ 6:34 Iomraidhean Croise

Nhom 3:23

Rim pơgê jing 'nao plơ̆ng, tơdrong pơmat Sư tih tơpă.

Mathiơ 6:11

Apinh Ih ăn kơ nhôn năr 'nâu đei sŏng sa mah.

Mathiơ 6:25

“Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Mathiơ 6:27

Iĕm tơchĕng dêh gah tơdrong arih. Mă iĕm nŏng tơchĕng dang yơ gah tơdrong arih noh ră, kư̆m ưh kơ đei yua tơgŭm iĕm arih đunh 'biơ̆ hơya minh năr ôh.

Luka 10:41

Na Kră Yang Yêsu khan thoi âu: “Ơ Mathê, ih mah tơchĕng kiơ kơ dôm tơdrong jang noh dêh?

Luka 11:3

Apinh Ih ăn kơ nhôn đei sŏng sa mah rim năr.

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Luka 12:22

Na Yêsu khan kơ lu bơngai pơhrăm păng Sư: “Yua kơ thoi noh na Inh wă khan kơ iĕm: 'Nĕ tơchĕng gah tơmam sŏng sa, 'nĕ kơ tơchĕng kơ hơbĕn ao hrŭk.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Yo 16:33

Inh roi kơ iĕm dôm tơdrong noh hei wă kơ iĕm chơt hiôk yua kơ iĕm gơnang kơ Inh. Tơ ala teh âu iĕm gô đei tơdrong anat anot. Mă-lei iĕm 'nĕ kơ sơ'ngon hŏ yua kơ tôm tơdrong ala teh âu thuơ kơ Inh ngăl boih.”

Jang 14:22

Tơ rim pơlei ei bre sư bơtho khan kơ lu bơngai lui, wă kơ lu sư lui mă kơjăp. Bre sư khan bơ̆n athei đei lơ tơdrong pơmat-tat adrol 'mơ̆i na gơh mơ̆t tơ dêh char 'Bok Kei-Dei.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.