Mathiơ 6:33 - Sơ̆p Hlabơar Nơ̆r 'Bok Kei-Dei

³³ Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Mathiơ 6:33 Iomraidhean Croise

I Pot 17:13

Mă-lei Êli khan kơ sư: “Ih 'nĕ kơ hli, ih athei brŏk pơm hloi thoi ih khan 'noh, mă adrol ih athei yua tơpŭng 'noh pơm ăn kơ inh minh pôm 'bĕng iĕ, đơ̆ng noh ba ăn kơ inh tơ âu; đơ̆ng rŏng kơ 'noh ih pơm ăn kơ ih păng kon drŏ-nglo ih.

Horiso 112:3

Mŭk măk păng mơdrŏng oei lăm hnam Sư. Păng tơdrong tơpăt Sư oei oei ling-lang.

Horiso 37:25

Sơ̆ inh oei 'lơ̆p, dang ei kră boih, tim 'bôh lu bơngai tơpăt khan đe achăng lê̆, Dah lu kon sâu sư chă apinh sa.

Horiso 37:3

Gơnang bĕ kơ Kră Yang păng pơm 'lơ̆ng. Oei bĕ lăm dêh char păng oei arih lăm tơdrong 'lơ̆ng tơpăt Sư.

Tơdrông Pơđơk 10:3

Kră Yang ưh kơ lê̆ ôh lu bơngai tơpăt pơngot rơwĕt. Mă-lei sư sơngah tơdrong bơngai kư̆ kă wă.

Tơdrông Pơđơk 28:10

Bơngai bu ba lu bơngai tơpăt kiơ̆ trong kơnê̆. Gô huŏng lăm sơlŭng đêl lu sư sir; Mă-lei đei tơdrong pŭn hiôk kơ lu bơngai 'lơ̆ng tơpăt.

Tơdrông Pơđơk 8:18

Tơdrong mơdrŏng, yŏng đe ư-ang Mŭk tơmam kơjăp lăm Inh.

Bôk Bơthô 10:2

Jơhngơ̆m bơngai hơgei đei ba sư tơdrong trŏ; na jơhngơ̆m bơngai kơtul pơdrŭt sư pơm tơdrong glăi.

Êsai 26:9

Kơmăng bơhngol inh rơhing kơ Ih, pơgê lăm jơhngơ̆m inh hơpơi wă chă Ih dêh, mưh Ih sek tơlang tơ ala teh, kon bơngai oei lăm teh đak gô băt tơdrong 'lơ̆ng tơpăt.

Êsai 33:6

Sư bơih gô pơm kơjăp lăm chăl lu iĕm, Sư boih tơdrong dŏng pơklaih, tơdrong hlôh wao, tơdrong gơh hơgei 'bĕnh blai, tơdrong hli yom kơ Kră Yang jơ̆ tơmam gĭt iĕm.

Êsai 45:24

Đe gô pơma pơđâu gah Inh khan: Lăm Kră Yang đĕch bơ̆n đei tơdrong 'lơ̆ng tơpăt păng pran kơtang. Đĭ-đăng lu bơngai hil kơ sư gô năm tơ sư na mơlâu.

Je 23:6

Lăm chăl Sư pơgơ̆r khŭl bơngai Juđa gô đei dŏng pơklaih; păng bơngai Isơrael đei arih hiôk hơđơ̆ng. 'Nâu anăn đe gô krao Sư: ‘Kră Yang boih 'lơ̆ng tơpăt lu nhôn.’ ”

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Mathiơ 19:29

Na bu achăng hnam sư, 'nhŏng oh sư, mĕ 'bă sư, kon sư, mir 'ba sư, yua kơ jang tơdrong Inh, bơngai noh gô đei tơmam lơ hloh kơ sư đei sơ̆ păng ning-mônh sư gô arih ling-lang hơdai hăm 'Bok Kei-Dei ưh kơ layơ tôch.

Mathiơ 3:2

Sư bơtho đe thoi âu: “Iĕm athei tơbral kơdih tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 4:17

Đơ̆ng năr noh boih Yêsu pơtơm jang tơdrong Sư, Sư bơtho đe thoi âu: “Iĕm athei tơbral kơdih tôm tơdrong yoch, yua kơ 'Bok Kei-Dei wă pơgơ̆r iĕm boih.”

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Luka 12:31

Thoi noh iĕm athei ăn kơ Sư pơgơ̆r iĕm hơdrol 'mơ̆i na đơ̆ng noh Sư gô tơgŭm iĕm tôm tơmam iĕm kăl yua.

Yo 5:4

yua kơ phŏ phŏ đei linh jang 'lơ̆ng 'Bok Kei-Dei jur tơ đak dơnâu ei, wă pơm kơ đak dơnâu ei tơglăk. Na bơngai bu mă hơbĕch dah kơtah lăm dơnâu ei hơdrol kơ đe, sư noh klaih hloi kơ jĭ sư.

Yo 6:27

Iĕm 'nĕ chă tơmam sa mă jing ôm hach. Iĕm athei adrin chă tơmam sa sot, săt 'lơ̆ng ling-lang, ưh kơ đei layơ ôm hach, wă 'me iĕm arih ling-lang. Tơmam sa ei, Inh mă jur jing kon bơngai, Inh asong ăn kơ lu iĕm. 'Bă Inh 'Bok Kei-Dei pơjao ăn kơ Inh thoi noh păng Sư kư̆m tơbăt ăn kơ kon bơngai tơdrong noh ră mơ̆n.”

Jang 20:25

“Sơ̆ inh năm tơ rim lu iĕm, bơtho ăn kơ đĭ-đăng iĕm tơdrong 'Bok Kei-Dei wă pơgơ̆r iĕm thoi yơ. Na dang ei inh băt kơ iĕm ưh kơ đei layơ wă 'bôh akâu inh tơ ala teh âu dơ̆ng.

Jang 28:31

Pôl bơtho lu sư gah tơdrong 'Bok Kei-Dei wă pơgơ̆r bơ̆n păng tơdrong Kră Yang Yêsu Krist. Sư bơtho đe kư̆m nuih tơpă păng ưh kơ đei bu khă sư.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Rom 10:3

Lu sư ưh kơ băt kơ 'Bok Kei-Dei ăn kơ lu sư Yêsu, athei gơnang kơ Yêsu na gơh jing bơngai 'lơ̆ng hăm 'Bok Kei-Dei. Na 'nâu lu sư gơnang kơ akâu lu sư kiơ̆ tơdrong juăt 'Bok Kei-Dei pơkă, lu sư ưh kơ gơh klaih ôh.

Rom 14:17

Na bơ̆n bơngai mă 'Bok Kei-Dei pơgơ̆r boih, mah kăl kiơ kơ sa 'nhĕm 'nhot thoi noh, mah 'nhĕng kiơ kơ đe sa et tơdrong 'noh. Tơdrong bơ̆n pơm 'lơ̆ng kơ 'Bok Kei-Dei, tơdrong bơ̆n pơm 'lơ̆ng kơ bôl buăl, tơdrong bơ̆n chơt ngă 'nă hal yua kơ đei Yang Bơhngol 'Lơ̆ng, tơdrong noh bơ̆n kăl.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

I Kor 3:22

Iĕm đei Pôl, đei Apôlê, đei Pêtrôs, iĕm đei tôm tơdrong ala teh âu, iĕm kư̆m arih ling-lang ưh pă lôch boih; iĕm kư̆m đei tôm tơdrong ahrei păng kư̆m đei tôm tơdrong ning-mônh. Dôm tơdrong noh tơmam iĕm ngăl

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Philip 3:9

na jing pôm đon hăm Sư. Kuă boih gơnang kơ akâu inh kiơ̆ tôm tơdrong juăt; inh wă gơnang kơ Yêsu Krist đĕch, na 'Bok Kei-Dei jô̆ inh bơngai tơpăt.

II Tes 1:5

Bơ̆n đei tơdrong gleh đe areh kơ bơ̆n kơlih kơ bơ̆n wă mơ̆t tơ dêh char Sư, mă-lei bơ̆n khŏm adrin lui 'mơ̆i; thoi noh, bơ̆n băt kơ 'Bok Kei-Dei sek tơlang tơpăt, Sư jô̆ lu bơ̆n âu boih trŏ kơ wă mơ̆t tơ lăm dêh char Sư.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.

II Pet 1:11

Thoi noh na 'Bok Kei-Dei pơchoh kơ bơ̆n trong să, ăn kơ bơ̆n tŏk oei tơ dêh char Yêsu Krist pơgơ̆r ling-lang hloi, yua kơ Yŏng bơ̆n Yêsu Krist dŏng pơklaih bơ̆n.