Mathiơ 6:25 - Sơ̆p Hlabơar Nơ̆r 'Bok Kei-Dei

²⁵ “Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Mathiơ 6:25 Iomraidhean Croise

Horiso 55:22

Jao bĕ pŭ trăp ih kơ Kră Yang. Sư gô tơiung Ih; Sư ưh kơ đei lê̆ lu bơngai tơpăt pơ̆k.

Je 45:5

Lei na, ih oei chă tơdrong plơ̆ng dah kiơ? 'Nĕ kơ chơchă, âu Inh gô ăn tơdrong răm truh kơ đĭ kon bơngai; mă-lei ih, Inh gô ăn kơ ih arih, tơ rim anih ayơ mă ih năm, Kră Yang khan thoi noh.’

Mathiơ 10:19

Mưh đe rôp iĕm jao kơ lu kră sek tơlang, iĕm 'nĕ mah tơchĕng kơ tơdrong iĕm wă pơma kơ lu sư noh hŏ.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Mathiơ 6:31

Thoi noh na iĕm 'nĕ pă tơchĕng khan: ‘Bơ̆n wă sa kiơ, hrŭk kiơ?’

Mathiơ 6:34

Thoi noh na đơ̆ng âu tơ anăp, iĕm 'nĕ pă tơchĕng minh tơdrong kiơ kiơ. Năr dơning măk ai kơ năr dơning, năr âu măk ai kơ năr âu, yua kơ tơdrong kơ'bah bơ̆n rim năr đĕch.

Markôs 13:11

Mưh đe rôp iĕm, jao iĕm kơ lu kră sek tơlang, iĕm 'nĕ mah tơchĕng hơdrol kơ tơdrong iĕm wă pơma kơ lu sư noh hŏ, yua kơ đei Yang Bơhngol 'Lơ̆ng tơgŭm iĕm kơplah lăm iĕm wă pơma, ưh kơ sĭ kơ iĕm gơh pơma kơdih ôh.

Markôs 4:19

Mă-lei lu sư wă tơchĕng tơdrong arih sư kăl hloh. Sư wă kơ mơdrŏng; păng 'nhĕng lơ tơdrong âu tơdrong to. Thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Luka 8:14

Lu găr mă huŏng 'bơ̆t 'nhĕt jơla wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei ră, mă-lei lu sư wă tơchĕng tơdrong arih sư kăl hloh, sư wă kơ mơdrŏng, hiôk jơnap tơ ala teh đĕch. Thoi noh na sư jing ưh kơ plei.

Rom 8:32

Sư 'mêm kơ bơ̆n tơpă na Sư mah ăn Kon pôm Sư lôch tang kon bơngai. Thoi noh bơ̆n băt Sư wă tơgŭm bơ̆n tôm tơdrong nai hai mơ̆n.

I Kor 7:32

Inh wă kơ lu iĕm bơngai ngôi hơdrô̆ huay kơ tơchĕng gah tơdrong kon akăn. Bơngai ngôi hơdrô̆, bơngai ei adrin jang tơdrong Kră Yang yua kơ sư wă kơ Kră Yang lăp đon kơ sư.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

II Tim 2:4

Pơtih gia bơngai pơm linh: Bơngai pơm linh athei kơchăng tơdrong linh ling-lang ưh kơ gơh tơchĕng 'bar pang tơdrong ôh, tơdrong sơwil păng tơdrong linh. Sư kơchăng ling-lang thoi noh wă kơ 'bok yŏng sư lăp đon.

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.