Mathiơ 6:14 - Sơ̆p Hlabơar Nơ̆r 'Bok Kei-Dei

¹⁴ “Dah iĕm huay kơ jô̆ yo kơ đe pơm yoch kơ iĕm, lei 'Bă bơ̆n tơ plĕnh ti kư̆m huay kơ jô̆ yo kơ iĕm mơ̆n.

Mathiơ 6:14 Iomraidhean Croise

Tơdrông Pơđơk 21:13

Bơngai bu chĭt đon kuă kơ mơ̆ng nơ̆r lu bơngai dơnuh hin krao ôr, Bơngai noh đe kư̆m kuă kơ mơ̆ng drơ̆ng nơ̆r sư krao ôr mơ̆n.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Mathiơ 6:12

Apinh Ih 'nĕ jô̆ yo kơ nhôn, thoi nhôn ưh kơ jô̆ yo kơ đe pơm yoch păng nhôn.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Markôs 11:25

Kơplah iĕm krao khan, iĕm 'nĕ kơ jô̆ yo mă iĕm đei tơdrong ơh păng bu bu ră, na mă 'Bă tơm bơ̆n kơpal plĕnh ti huay kơ jô̆ yo tôm tơdrong yoch iĕm.

Luka 6:37

“Iĕm 'nĕ bâu roi đe, khan đe bơngai ưh kơ 'lơ̆ng. Dah iĕm jô̆ kơ đe bơngai ưh kơ 'lơ̆ng, kơnh 'Bok Kei-Dei kư̆m jô̆ kơ iĕm bơngai ưh kơ 'lơ̆ng mơ̆n. Iĕm 'nĕ kơ jâu đe, na 'Bok Kei-Dei huay kơ jâu iĕm. Iĕm 'nĕ kơ jô̆ yo kơ đe wă kơ 'Bok Kei-Dei huay kơ jô̆ yo kơ iĕm.

Êphêsô 4:32

Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.

Kôlôsê 3:13

Mă tơduă buăl bơ̆n bơngai lui pơm ưh kơ lăp hăm bơ̆n, bơ̆n hơhrĕng đĕch 'nĕ kơ jô̆ yo. Kră Yang Yêsu ưh pă jô̆ yo kơ bơ̆n boih, na bơ̆n kư̆m lei-lăi 'nĕ kơ jô̆ yo kơ buăl bơ̆n.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Jôsuê 22:15

Lăp lu sư năm truh tơ adrĕch Rubên, adrĕch Gat păng minh puăt adrĕch Manase lăm char Gileat, khan:

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.