Mathiơ 5:39 - Sơ̆p Hlabơar Nơ̆r 'Bok Kei-Dei

³⁹ Thoi noh boih na gah Inh bơtho iĕm thoi âu: Đe pơm kơnê̆ kơ iĕm, iĕm 'nĕ pơm plơ̆ kơ đe; đe tap 'bŏ iĕm gah 'ma, ăn sư tap gah minh dơ̆ng.

Mathiơ 5:39 Iomraidhean Croise

I Pot 22:24

Kơplah noh Sêđekia, kon drŏ-nglo Kênaana, năm jê̆ Mikai, tap tơ'bŏk sư, na khan: “Yang bơhngol Kră Yang lĕch đơ̆ng inh trong ayơ, mă năm khan kơ ih?”

Jop 16:10

Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Tơdrông Pơđơk 24:29

'Nĕ chă pơma: Inh gô pơm kơ sư thoi sư pơm kơ inh; Inh gô pơm 'mong kiơ̆ tơdrong đêl sư pơm.

Êsai 50:6

Inh ăn bơih kơ đe teh rŏng inh, păng ăn tơ'bŏk inh kơ đe buch sŏk kang inh. Lu bơngai pơ'brơh kơ inh gơsoh đak hai, inh ưh kơ đei ôn muh măt ôh.

Nhom 3:30

Sư athei ăn meng sư kơ đe tap, chu iŏk bĕ tơdrong kơdơ̆ mơlâu.

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Mi 5:1

Ơ Betlehem Eprata, ih jing pơlei iĕ hloh lăm rơbâu pơlei lăm char Juđa, Mă-lei đơ̆ng ih gô tơpŭ ăn kơ inh minh 'nu Kră Yang Sư gô pơgơ̆r lu bơngai Isơrael; Sư đei đơ̆ng tơm hmơm blŭng-a sơ̆ boih, đơ̆ng adrol kơ đĭ-đăng.

Mathiơ 5:40

Bu kêng iĕm tơ đe kră wă kơ iĕm duh kơ sư minh blah ao, iĕm athei ăn đĭ hloi 'bar blah.

Luka 22:64

Lu sư đơ̆p muh măt Yêsu păng che na tŭr akâu Sư păng khan: “Ih mơsêh, Ih mơyang na dang ei roi lăng kơ nhôn bu tŭr Ih.”

Luka 6:7

Na lu thây bơtho tơdrong juăt đe Juđê păng lu bơngai Pharisi răp lăng Yêsu hăm ming pơklaih sư dah ưh kơplah lăm năr pơdơh Sa'bat. Dah sư pơklaih bơngai ti kue noh lei lu sư wă jô̆ kơ Yêsu bơngai yoch yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Yo 18:23

Na Yêsu khan kơ sư dơ̆ng: “Dah Inh pơma glăi, ih roi tơdrong glăi 'noh; dah Inh pơma trŏ, liơ ih tap Inh thoi âu?”

I Kor 6:7

Iĕm tơkêng sa băl tŏk tơ kră sek tơlang thoi noh ưh kơ trŏ ôh, 'noh inh băt kơ tơdrong lui iĕm oei rơdu iĕ tơpă. Dah tơduă iĕm bơngai lui pơm ưh kơ 'lơ̆ng dih băl, dah tơtông băl tơmam, iĕm 'nĕ kơ jâu sư, 'noh 'lơ̆ng hloh.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

Hêbrơ 12:4

Gah tơdrong lu bơngai yoch tơblah păng iĕm, iĕm ưh tam mă mah adrin truh kơ pham lĕch sĕch huŏng ôh.

Ya 5:6

Iĕm jâu lu bơngai 'lơ̆ng pơm kơnê̆ na pơlôch hloi lu sư, mă-lei lu sư ưh kơ pơjăng ôh.

I Pet 3:9

Mă đe pơm kơnê̆ kơ bơ̆n, bơ̆n 'nĕ pơm tơwih kơ đe; mă đe pơma kơnê̆ kơ bơ̆n, bơ̆n 'nĕ pơma tơwih kơ đe, bơ̆n rai krao khan apinh 'Bok Kei-Dei mơnat kơ sư dơ̆ng. Bĭ 'Bok Kei-Dei kư̆m mơnat kơ bơ̆n na Sư krao iŏk bơ̆n jing kon Sư.