Mathiơ 5:36 - Sơ̆p Hlabơar Nơ̆r 'Bok Kei-Dei

³⁶ Iĕm 'nĕ pă pơkă pao kơ̆l iĕm, yua kơ iĕm ưh kơ gơh pơm kơ minh dăng sŏk găm dah kok, 'Bok Kei-Dei đĕch gơh pơm tơdrong noh.

Mathiơ 5:36 Iomraidhean Croise

Mathiơ 5:35

'Nĕ pă pơkă pao anăn teh yua kơ teh âu dang anih Sư 'măn wă pioh jơ̆ng. 'Nĕ pă pơkă pao anăn Pơlei Jêrusalem, yua kơ pơlei noh jơ̆ pơlei Pơtao tih.

Mathiơ 5:37

Iĕm wă pơkă kơ đe tơdrong kiơ kiơ, iĕm athei pơkă mă tơpăt hăm 'bơ̆r hoh đĕch, 'nĕ pă pơkă pao anăn 'Bok Kei-Dei dah tơdrong kiơ kiơ nai. Dah iĕm pơkă kơ đe thoi noh hei, 'noh đơ̆ng yang kơnê̆ pơhlŭ iĕm pơm thoi noh đĕch.

Mathiơ 6:27

Iĕm tơchĕng dêh gah tơdrong arih. Mă iĕm nŏng tơchĕng dang yơ gah tơdrong arih noh ră, kư̆m ưh kơ đei yua tơgŭm iĕm arih đunh 'biơ̆ hơya minh năr ôh.

Luka 12:25

Iĕm tơchĕng dêh gah tơdrong arih, mă iĕm nŏng tơchĕng dang yơ gah tơdrong arih noh ră, kư̆m ưh kơ đei yua tơgŭm iĕm arih đunh 'biơ̆ hơya minh năr ôh.